You que sei... mas eiqui ven al gambuzinu que ya te'l diç !

Llibrarie vertual cicuirana

2012-01-30T17:58:00.000Z

La llibrarie vertual cicuirana ten inda mas llibrus y repurtaiges pra tu veres ende ! Hai nuvidades cume'l llibru "Dialecto Mirandez" d'Albino Moraes Ferreira publicadu an 1898 y que tube la pusseblidade de ver an 2007 nela FLUP. Pus yê un llibru qu'hai que studar y you nunca tube pacencia pr'issu. Y hai mas tamiên... la repurtaige "Asina Falamos" que sta an Youtube...

Que vus agrade !

Augas de Covadonga

2012-01-24T22:26:00.000Z

Covadonga an Agostu 2011

LAS AUGUAS DE COVADONGA

Las auguas del torrente

Baxan al son d'un cantu de vitoria,

Ya sonan, sonan su la bueca pena

Las mil campanas de la nuesa gloria.

Las auguas del torrente

Fan nas fonduras blanca catarata,

Ya restrinxentes tocan su la cueva

Cun trompeteu de trompas mil de plata.

Fernan Coronas, 10 de Febreiru de 1929.

Caminu l'eigreija

2012-01-20T08:25:00.002Z

L'eigreija de Cicuiru hai uns diês atras

CAMIN DE LA ILESIA

Nu cielu que ta de color de violeta remostia,

El sol que se puen toma güey el blancor d'una hostia.

You miru pallo, peru miru namas un momentu,

Que cerca d'eiqui vive Dieus nu mayor Sacramentu.

Para El se me van la mirada, el amor ya el espritu,

Ya ya el corazon mirasole del Sol infinitu.

Fernan Coronas, Padre Galo, publicadu an Rimas y refranero numaru 184.

Fai muitu

2012-01-17T21:27:00.001Z

Mie bo Calmentina nals añus 75

FAY MUYTU

Ibas pul camin pa abaxu :

Yara you entos pequenu

Ya llevabasme nun paxu.

Ibas pul camin pa arriba :

Cul paxu al hombru cantabas

Ya you escuitandute iba.

Yara you entos pequenu :

Cuandu piensu nestas cousas,

Inda quixera ser nenu !

Fernan Coronas, Padre Galo, outubre de 1923.

Lu diañu la TDT purtéźa !

2012-01-13T18:24:00.003Z

Ay ! Que diañu passa cu’la TDT qu’an Miranda paréce que nun da un piyu ! S’outurdie inda fazimus d’alguns ansayus cun Oscar nu canal 56 mas nun catavamus nada. Buônu you cu’ls mius radius si que catava d’algu mas yêra ya biên fraquitu pra qu’al çcudificador puôda dar ũas eimaiges. Dende hoije nun sei cume stara’l trasmissor de Vale de Mira, se funciona ou no...

Buônu, mas nun amporta ! Cume lu sabeis mui biên, ralas vézes miramus lus canales purtuéźes, lus spañolus son biên mellor y ya quaisque falan cume nos... buônu dan d’algũas patadas y açpuis chaman aquissu castellanu, mas da pr’antender. Pus cume ya lu cuntei eiqui muitas vézes, you y miu abo Manuel gustabamus muitu de vé la tie Léticia Ortiz so qu’açpuis fui-se a caźa cu’l fillu dal Rei y se mus fudiu’l negociu. Buônu, hoije tenémus a la tie Mariya Casado que yê un bun par !

Ay! La TDT purtuéźa ! Quereis rir ? Sabeis que solu ten 4 canales !!! Si home, lus canales de siêmpre; RTP1, RTP2, SIC y TVI... y... y nada mas ! Quandu se sabe que se fizu la TDT pra puder puné mas canales na banda... pus vaya l’angeñerie purtuéźa que mus pon ende solu quatru canales !!! Ay lus cundenadus ! Quandu véyu que la TDT spañola ten 20 ou mas canales inda. Buônu you nunca lus cuntei, conchu son tantus !

Vaya, vaya, pus mirai ende lu qu’acunteciu an Samartinu ! Reconchu ! Que n’aquele buracu nin las pégas passan pur alla, cume van a passa las ondias de la TDT de Lisboua ! Pus tubirun qu’anstalar eilli un repetidor. Mas pra quei ? Han ? Vos ya vistes a Mariya Casado nals canales de la RTP han? Pus no, coñu que sta ne la TVE1...

Ala moçus ! Solu pra rir un cachicu mirai-me aquesta repurtaige de la SIC an Samartinu. Ende fala-se d’ũa rialidade que paréce que Purtual sta a çcubrir. Pus si Lisboua... Miranda não olha, mas mira !

Bun Añu Nuôvu !

2012-01-04T15:25:00.001Z

Un Bun Añu Nuôvu dende Cicuiru ! Anton ya ampeçémus outr'añu. Nos an Cicuiru matémus-lu cun fuguetes d'eilli de la caźa’l pobu. Astañu’l bar fizu-se nun dezertu quandu fui’l tiêmpu de la passaige, apénas quedorun Mariya y Dalfin.

Al Ninu Jezus an Cicuiru

Conchu ! Mas açpuis la méya nuite turnémus alla pra mandar uns fuguetes y mata l’añu viêllu que nun querie stramugir dende ! Y fazimus-lu ! Mandémus cada fuguete qu’anchimus al bar de fumu. Y so se fusse’l fumu... que tamiên cheiraba mas a uôvus podres que you sei alla ! Dalfin que staba a spreitarular de la puôrta llougu mus mandou uns dals sous dezideirus “Ah ! Stica la piça ! Si andais biên chamuscadus !”
D’eilli nun yê qu’inda fumus cun Mariu y Oscar alla pra Muveirus y açpuis pr’Alcañiças. Mas paréce-me a mi qu’habie inda mas giênte an Muveirus que pu’las rugas d’Alcañiças... pus nunca habiêmus vidu tan pouquechica giênte cume astañu ! Y lus que se viên yêran viêllus... mas d’onde coñu stariên metidus ???

Assi pu’la tardica dal die 1 pus nada habie demudadu. Stabamus uns poucus a la caźa’l pobu y quandu’l sol cumeçou a mandar ménus calor ya d’alguns entrarun pra caźa cu’l manollu de lleiña qu’habiên agarradu na ramallada pra fazer llume y calcé la caźa. Ou antretené’l llume dal fumeiru. Assi que quandu se furun lus ultimus rayus de sol y que’l ciêlu deixu ver a Vénus y Jupiter al valle cicuiranu tenie cume ũa nubrina que salie dals chupones y dals telladus de caźas antigas apurveitadas an cuzinas pr’al fumeiru.

Yêran ya horas d’antrar, purparar al llume y apurveitar al burrallu pr’assar d’algũas castañas a la braźa ou cu l’assador dal nuôssu ferreiru ya muôrtu. Ũa tabaféya aende anrriba tamiên nun starie nada mal y la garrafa de cidra basca ya staba abiêrta...

Als Eivangeillus an mirandés

2011-11-24T22:03:00.001Z

S’outru die a la nuite an drentu la caźa’l pobu houbu aquesta cunversa :

You : Ya chegorun lus eivangeillus an mirandés. Ya pudémus rezar an… buônu ya lu fazimus d’antes, mas agora ya’l cura tamiên lu puôde fazer, se lu quejir. Ya agora la missa dal Samarcus vai a ser an mirandés, agora ya Cristu fala an mirandés, la missa dal Naźu... home an mirandés !

Dalfin : Y Marie ? Marie !? Pus an mirandés tamiên…

Marie : No ! EU não ! Bah quem quer mais cerveja ? Orlandu ?! Uma mini ?

Urlandu : No ! You no !

You : Marie, la mai de Cristu ! No la nuôssa conchu ! Aquesta tamiên an mirandés !

Tiu Bunitu : Coiru ! Vos andais tunticus ! Y Zé ?

You : Zé tamiên ! Lus eivangeillus pur cumplétu ! Todu an mirandés traduzidu pur Amadeu Ferreira !

Dalfin : Padéces ! Algun die tiu Amadeu fui ferreiru ?

Urlandu : Naide te sta a falar de ferreiru. Yê’l de la gorra, alla’l de Sandin que traduziu lus eivangeillus...

Dalfin : Van de jueillus ? Quei an Sandin ? A Urlandu cume te pones !

You : Dalfin vai-t’a sabé de las mantas home ! Que ya stas cansadu y nun catas nada de la pelicula !

Urlandu : Ũa couźa sta ciêrta home ! Ya tenémus tod’an mirandés... you que sei... mira la scuôla, al nome de las rugas, to’la giênte fala ! Anté la camara ... !

You : No la cambra no... la cambra, Urlandu, la cambra nun fala...

Urlandu : Coiru... andan atraźadus anton !

You : Mas mirai eiqui tenémus ũ’ambitaçon pra ir a la catedrale pa ver l’aperźentaçon dals eivangeillus ! Anté vai a ver curas y'l Bispu rapazes ! Yê die 26, d'eiqui a dous diês !

Dalfin : Panadeirus ? An Sandin hai panadeirus ? Y ferreirus tamiên ? Y lus fiyus ? Deixorun de medrar eilli lus fiyus ? Han ? Anda vou-me pa'la cama !

Cunvite pra'l llançamiêntu de lus eivangeillus an Miranda'l die 26 de Nuvembru

La TVG fala de la nuôssa lliêngua

2011-10-31T21:35:00.001Z

Eiqui vus deixu un anllaç dal purgrama de la galléga que fala de la nuôssa lliêngua tal cume yê falada alla pur Spaña. Achei-lu nal canal "Youtube" dals Çamoranus de Furmiêntu.

Oscar y las xaras de la siêrra de Botas

2011-10-29T20:56:00.002+01:00

Yêra n’un d’aquestes diês an que you andu pur Cicuiru meyu perdidu y passa Oscar cu’la carriña, abre la puôrta y diç... Y anté nun diç nada purque you llougu me chubu y alla vamus nos pu’la siêrra de Botas !

Tacu n'altu'l Castiêllu

Pus s’outru die anton fumus anté’l Castiêllu y Tacu tamiên iba, staba atras na caxa cu’la lliêngua afuôra ! Ende salimus de la carriña, Oscar c’un rolu de papel ne la manu, so que you mal m’habie apurcatadu. Y vai l’Oscar que me diç : fica aqui ja venho !

Xaras de Nuôssa Señora

Buônu, you pu’lli me quedei a anzunar cu’l perru, so qu’açpuis vi ũas xaras y anton saquei la mie maquina de fotos dal fardel. Acuncheguei-me y puźe-me a saca varius retratus... Yêran d’aquessas xaras de Cristu, mas tamiên habie de las outras, de las de la Nuôssa Señora. Pus mirai yêran cume aquestas qu’eiqui vus pongu...

Xara de Cristu

Y you alla staba eilli, a la borda’l caminu, de ginollus a mirar aquestas guapas couźas de la naturéza. So quandu cayu de ventas an frente de l’Oscar, anton mui scarranchadu y todu anfadadu pon-se a verrar pra mi: Fogo ! Eu aqui a cagar e tu a tirar fotos do meu rabo !!! Pus ya pudeis maginar que me quedei c’ũa vergoña... durante toda la tarde !

Primavéra alistana

2011-10-27T14:24:00.001+01:00

Inda vus lumbrais d’aqueilla veç an que lus caçadores mus oufrecirun un almuôrçu biên buônu an Mayu ? Si, pus sabeis qu’açpuis, ya cu’l bandullu mas que chénu fumus you, Oscar y Eiloi a rondar pur Pino del Oro. Rondar, buônu you direi mas caminar...

Ũa puônte pu’riba d’un ribeiru de froles

Fumus alla a ver cume stava la naturéza pur aqueilles lladus y biên guapa que stava. Anduvimus pur puôntes y llameirus todus frolidus y tamiên cunseguimus vé lus foyus qu’hai an muitas de las peiñas pur eilli. Yêran foyus que faziên d’antes lus antigus nal tiêmpu de lus rumanus para llava’l minériu de las minas d’ouru.

Foyus de lus que se puôden eilli achar ne las peiñas

Las xaras, lus tumillus, las scobas y lus gamones ya todus frolidus y guapus. Y cume Oscar ten aqueilla maña d’andar siêmpre a cullir tumillu y źmagalu ne las manus pus alla fumus źmagandu tumillu durante kilontrus.

Mas foyus de lus que vimus

Anredémus pu’lus defrente sitius de las minas rumanas de Pino del Oro y puôdu vus dezir que lus chamadeirus d’eilli mus amostran biên que las pessonas faloran mirandés ou de maneira general al nuôssu stur-llionés.

Un sitiu de maravilla !

Pus mirai : Los Monticos, Llago las Mozas, Llago los Bueyes, Llagomesero,... Onde pudémus ver un deminutivu an –ico y la patalizaçon an Ll !!!

Lus gamones

Cume pudeis ver, la nuôssa caminada fui guapa y anstrutiva. Guapa purque pudimus ver cerradus y sitius d'antañu cun cheirus a buyada y tiêmpus passadus a la selombra'l carballu.

Oscar y Eiloi qu'andavan pu l'auga... quaisque cume Cristu !

Y anstrutiva purque dou-mus pra pensar suôbre la nuôssa lliêngua... Y quandu pensémus mas fui quandu llougu al salir de Pino vimus un camion que venie de Storga c’ũa anstalaçon cumpléta pra buscar ouru ou anté petroliu, nun sabémus. Mas tenie strumiêntus pra sfuraca’l suôlu y ambestigar las defrentes camadas de la tiêrra. Pra que serie anton ? Sera qu’inda andan a buscar ouru ?

Purtual mirandés

2011-10-07T13:45:00.002+01:00

Deixu eiqui çpunible al repurtaige que saliu ne la SIC an 1993, se nu m'angañu, y que fala dal Prainu y de las sues tradiçones. Yêra d'un purgrama que se chamaba Portugal Português. Yê biên cumprétu an todu y anté fala de cumer y de las nuôssas fiêstas. Pudeis carrega'l repurtaige eiqui, cuidadu que dura 1h30, fai 1.3 Go y sta an furmatu mpg. Un oubrigadu a Aida de Custantin que me lu dou.

Manu muôrta

2011-09-28T21:32:00.001+01:00

Quiên nu se lembra de la manu muôrta ? La cuônta que mus cuntaban lus nuôssus pais quandu yêramus ninus. Agarraban-mus la manina pu’l puñu y mexendu d’un lladu pa l’outru pra fazer cume se la manu stubisse siên vida, deziên-mus assi :

Manu, manu muôrta

Passou pu’la mie puôrta ũa cabra muôrta.

Puxei’l pur-ũa téta

Y saliu ũa caganéta.

Al fin batiên-mus ne la tiêsta cu’la manu y todus se riên ! Pus sabeis que you passei pu’las Sturias n’aqueste branu y truxe cumigu ũa carretada de llibrus, un deilles “Antropologia Social y Cultural de Asturias”, de l’outor Roberto González-Quevedo chamou-me muitu l’atençon.

Un llibru biên buônu que mus fala de las tiêrras sturianas

Pus ten muitas couźas asparcidas cu’las nuôssas tradiçones tal que you las cuñeçu an Cicuiru. Y sabeis lu qu’achei n’aqueste llibru ? Pus achei la cuônta essa de la manu muôrta ! Si, bon, un poucu defrente, mas alla se fala de la tal manu y d’ũa puôrta. Diç l’outor qu’ende nas Sturias quandu se cuntaba aquissu al ninu, nal fin, punie-se-l la manu an frente la boca pra que déya alla un beijicu.

Eiqui vus deixu la verson sturiana de la manu muôrta :

Mano muerta,

pica a la puerta

lleva los pitinos a la güerta,

dixo’l niño Jesus,

que besares esta cruz.

Llibrarie degital

2011-09-26T21:26:00.000+01:00

Para quiên sta antersadu n'aquestas couźas de la lliêngua eiqui teneis ũa pequeiña llibrarie pra vus antretener :

http://cicuiro.blogspot.com/p/llibrarie.html

Die la lliêngua, la Cambra de Miranda y Cicuiru

2011-09-20T22:03:00.000+01:00

Nal sabadu yêra’l die de la lliêngua eiqui an Miranda y anton you pensei que pur fin la cambra ibamus a oufrecer al sinal tan asperadu que diç « Cicuiru » (buônu, d’alguns dizen que yê mellor screbir Cicuiro). Mas a final nada, ya añus que l’asperamus que l’outru ya vai tan anferrujadu que la tinta anté salta toda…

Oh! Señor Perźidente la cambra de Miranda, teneis que saber que’l verdadeiru nome dal nuôssu llugar yê Cicuiru y no Cicouro. Pus se pensais inda que yê un ambentu nuôssu, you cumbidu-vus a mira lus arquivus anteriores a 1500 onde pudereis vé las seguintes grafiês : Cycorjo y Cicoiro. An que, si yê verdade qu’apartir de 1600 ya sol-achamus las grafiês Sicouro y l’actual Cicouro. Purquei, nun sei. Y un cambiu tan grande nal nome an tan poucu tiêmpu, cunfessu, paréce-me strañu ! Mas cume lu sabeis, la giênte diç Cicuiru y yê assi que lu querémus ver !

Y nun cunta que me digades que Cicuiru nun fai parte dal purgrama turisticu “Rota Terra Fria” y que dende nun puôde tené’l sou nome an mirandés, cume yê’l caźu de Custantin, d’Infainç,... Pus nun yê un purjetu turisticu que ten que star ancargadu de puner un sinal an mirandés, mas si vos, aende ne la cambra, dende yê que teneis que mandar aquestas couźas.

Y sabeis purquei ? Purque cume reperźentante dal stadu purtués teneis que cumprir la lei... Qual lei ? Pus aquesta :

Lei n.º 7/99 de 29 de Janeiro 1999

A Assembleia da República decreta, nos termos alínea c) do artigo 161.º da Constituição, para valer como lei geral da República, o seguinte:

[...]

Artigo 2.º
O Estado Português reconhece o direito a cultivar e promover a língua mirandesa, enquanto património cultural, instrumento de comunicação e de reforço de identidade da terra de Miranda.

[...]

Anton qui’que fazeis ? Puneis-mus lus sinal cume ten que ser, si ou sopas ???!!!

Aita Mari, 30 añus açpuis

2011-09-07T22:25:00.000+01:00

Tenémus an caźa un cinzeiru que me dixu mie mai qu’habie sidu miu abo que lu truxu de Spaña. Mirei biên’l cinzeiru, ten alla’l zeiñu d’un arcu y atras l’arcu ten l’antrada d’un restaurante chamadu Aita Mari. Mie mai habie-me splicadu que miu abo Manuel, tiu Manolu, habie passadu pur’eilli, an San Sebastian.

Aita Mari, you ya sabie’l que querie dezir ; Aita yê Pai y Mari yê Mai an Bascu. Mari tamiên yê’l nome de la diuźa Basca que cume se diç pur’aqueillas tiêrras que criyu’l mundu.

Quandu stube de vacanças fui-me pra Donosti, San Sebastian an Bascu. Pur alla andaba y fui-me a tumar un checulate cun churrus. Al salir d’eilli dei-me decuônta que staba na ruga puerto, y que la ruga essa iba anté’l portu alla baixu donde stan lus barcus.

You an frente de l'Aita Mari

Y pur adregu, qui’que m’aparéce a la squiêrda, al tal bar Aita Mari. Y eilli staba l’arcu que de verdade yêra ũa puôrta d’antrada de la cidade; dal portu paradrentu. Quedei-me assi meyu paźmadu, açpuis surri y antrei alla drentu. Habie pinchus nal balcon, a la squiêrda. A la dreita ũas meźas cun gente y an frente ũas scaleiras qu’iban par’ũa sala de jantar.

Pedi uns pinchus y ampecei a falar cu’l que staba al balcon y daprendi anton que’l bar ya tenie mas de 70 añus y qu’habie passadu ya pur las manus de varius duôñus y que lus d’agora ya uns 6 añus qu’alla staban. Curtiu tiêmpu pensei you, miu abo passou eilli hai uns 30 añus. Perguntei anton pu’l tal cinzeiru y... : Hombre si ! El cenizero, unos antiguos proprietarios del bar ofrecien esso a los clientes... Yo ya he visto unos asi... Nosotros no damos cenizeros, pero el bar es el de siempre, el Aita Mari de toda la vida, sabes... Ya agora nun habie duvidas, si habie passadu pur donde miu abo habie scalladu tomadu un café ou quemidu uns pinchus !

Un bunchu de licor cicuirana ?

2011-09-01T12:17:00.000+01:00

Durante’l branu spurmentei de fazer varius licores cu’la nuôssa fruta que tenémus an Cicuiru. La purmeira licor que fize fui aquessa que védes nal retratu y qu’inda se sta a amañar. Fize-la cu’las nuôssas bulicas d’ouru que son las çreijas brancas.

Licor de çreija branca cicuirana

La receita yê mui simples : n’ũa garrafa vazie puneis alla la fruta biên llavadica anté anchir pu’l ménus un quartu. Açpuis butais anis anté cubrir la fruta, y pur fin anchi la garrafa d’aguardiênte. Pudeis tamiên butar alla un palicu de canéla y ala ! Ya sta ! Hai outra receita, scalla un poucu mas tradicional onde solu se bota aguardiênte y muit'açucre.

Spurmentei mas outra frutas pr’als mius licores, cume las moras y lus bruñus brabus, aquesses pequericus qu’amargan muitu. Aquesses bruñus tamiên sirven pra fazer licores nal Peis Bascu y alla chaman issu Patxaran. Lus bruñus brabus pudeis lus achar a la farta al pie de la llagona de Custantin quandu se ven de Cicuiru, ou anté an Cicuiru méźmu al pie de lus Barrancus.

Agora, antes de puder purvar yê peciźu d’asperar pu’l ménus un añu ! Se salir buôna açpuis vendu-la an Sant’Amaru...

Bruñus brabus

Y an quantu a la palabra bunchu, yê mirandés y quiêr dezir golu, an Samartinu dizen assi, an Cicuiru oubi buchu, mas ya se diç mui mui poucu y yê pur issu qu’ende pongu la splicaçon.

Narciso Dominguez arrecebiu premiu

2011-08-31T21:39:00.000+01:00

Al famoźu gueiteiru Ramón Narciso Domínguez Pérez arrecebiu al prémiu “Gaitero de Oro 2011” hai ũas sumanas atras. Vi la nuticia an quantu stabamus, you y Oscar, nal bar 2000 de Mubeirus. An 2008 tube la suôrte de puder fala un ratu cu él, yê mui simpaticu, y grande tucador. An 2007 viênu a anima'l Samarcus y gravei-lu a tuca la gaita de fuôlle. Spéru que pa l'añu torne a star pu'l Samarcus, purque astañu nu'l vi.

Mas un llibru an mirandés !

2011-08-16T21:00:00.000+01:00

A moçus ! A sabeis al quei ? Qu’Alcides ya mus ten outru llibru d’a feitu ! Coiru ! Si, si home que d’aquesta veç ven mus aende cun mas storias screbidas pur él, storias dal caminu de la Candena, que son cume ũa lluria que mus prende al passadu tiêmpu arrayanu dals nuôssus abos. D’eiqui yê mas un llibru que sale dende la scuôla de Cicuiru ! Y agora ya vus lu digu moçus, qu’eilli ne la scuôla ya solu se sinte fala’l mirandés, nun yê cume d’antes que mus daban burdiascadas buônas se pur acaźu, de la boca, se mus salie un « ende », « eilli », « tu sos »,…

Pus de restu, llançar un llibru dende Cicuiru yê mui ampurtante, inda mas que de lu llançar an Lisboua ou anté Miranda, purque aende sta, yê llançadu d’onde la storia toda naciu !

Anton moçus, spéru vus ver eiqui an Cicuiru, ne la scuôla, nal proximu Deimingu, die 21 d’Agostu, ende pu’las 17h, pra llança’l llibru... que nos ya eilli starémus !

Solu pra vos oubirdes la purmeira parte, deixu-vus eiqui l’anllaç dal « youtube » onde Alcides mus fai un pequeiña leitura dal sou llibru, que vus agrade !

De caras cu'la Viêlla

2011-07-30T22:14:00.001+01:00

Sabeis que me fui de peregrinu pu’l norte de la Peninsula ? Fui-me anté’l Peis Bascu y apurveitei para passar pur Bilbau. Eilli acerca tengu uns amigus cun quiên tuvu’l prazer de ver las danças de palus d’eilli, pus son mas variadas qu’an Miranda, mas d’algũas son mui asparcidas cu’las nuôssas ! Dende fumus pr’un monte acerca de Durangu. Pra lus que nun saben, Durangu yê acerca de Guernika. Chubimus n’un monte d’onde se pudie admirar la furmoźa muntaña de la Viêlla. Yê eilli que lus bascus pensavan que la viêlla qu’habie feitu’l mundu s’habie quedadu. Aquessa viêlla yê cun certéza la meźma que la nuôssa y que muitas vézes vémus an fiêstas d’einviêrnu.

La cara la Viêlla (acerca Durangu, Viscaya)

Aquesta muntaña yê mui antersante, purque tal y qual que se vei, paréce méźmu un ser houmanu deitadu, de la cabéça anté lus piês. Aende, nal retratu amostru-vus la cabéça de la Viêlla. Anque seya mas siêmpre de ver lus detalles quandu tenémus la muntaña an frente, aende nal retratu pudeis çtinguir lus uôllus, al nariç, y la boca de la Viêlla. Puôdu-vus dezir que fui cun muitu prazer qu’eilli chubi y lus mius amigus si soubirun me llevar nun sitiu magicu que gustei ; an frente la Viêlla…

Las bulicas d'ouru

2011-07-30T00:12:00.000+01:00

Ende stan eillas ! Las bulicas d'ouru que nacirun d'ũas streillas aende culgadas an Abril. Apurveitai-las biên antes que nu las haba mas y que vus agraden cume a mi m'agradoron. Spéru qu'inda las vamus a tener anté la fiêsta de Sant'Amaru que yê die 5 y 6. You ya l'outru die andei a fazer uns licores d'eillas y a ver cume me vai a quedar.

Ho ! Mas aquessas bulicas, meźmu sendu d’ouru, nu son pra puner nal bancu alla an Miranda, boh ! Son pr’anchi’l bandullu y biên cume deve ser qu’eiqui nun hai crize ! Y nal bancu alla an Miranda cume son tan fidalgus tamiên nun vus las quiêren... so se tubirun patacus pur drentu. Mas çreijas d'aquesse jeitu inda nu las tenémus !

Las bulicas d'ouru (pr'anchi'l bandullu)

Çerdeirus que doron mellones d’aquesses fruitus açucradus y que fazen la fama de Cicuiru. Yê que nos aca, nun fazémus nada cume als outrus; tenémus çreijas y nu son burmeillas, home, que son amariêllas !

Ya que falamus de la fama de Cicuiru, sabeis que tamiên somus mui cuñecidus purque tenémus mui buônus jugadores nals jogus tradicionales, un yê Oscar, ya de toda la vida nal Fiêrru y a la Reilla, outru tamiên yê Urlandu a la Cunca. Pus sabeis que tubimus un turneyu nal die 17, alla pal Naźu y Cicuiru quedou-se an quartu llugar ! Y sabeis que tal de Custantin y Samartinu ? Pus nada, nadica de nada ! Nun gañoron un puntu ! Mirai-vos dous llugares cun tanta mucidade, y Cicuiru so cun viêllus que llougu fai y muitu.

Aquissu fai-me lumbrar qu'Oscar diç siêmpre que Custantin yê un llugar ruin, you, lu meźmu digu de Samartinu (purque hai alla, na taberna de baixu, un bandu de gaijus que nun gustan muitu de mi y açpuis dan-me siêmpre nal pelu quandu you vou a la ruźgada pu'lli). Conchu ! Pus pu lus dous si qu'atinémus !!! Nun valen pra jogus tradicionales !!!

La piêdras que falan

2011-06-27T23:13:00.000+01:00

Aende las nuôssas piêdras falan ! Pus hai-las cun gravuras outras cun palabras antigas cume la qu'habie an Peiña Redonda. Pus nun lu sabiêdes ? Pus quandu tiu Muizés yêra mas nuôvu, un die furun él y'l sou pai, tiu Andréya, a Peiña Redonda pra partir ũa grande piêdra que’l pobo dezie magica. Magica so qu’habie que la partir pra custruir ũa caźa. Aquessa piêdra, dezie la giênte que nal die de San Juan pudiên alla s’ouvir las canpanas a tucar.

Outrus ya habiên andadu a scarbar an alredor pensandu que scundie un teźouru de lus mourus... mas claru, nun habie nada. Quandu alla chegurun, alla stava la tal peiña cubiêrta de silvas. Ruçoren-las y ende apercirun las tales scrituras que nun yêran llatinas y anté hoije naide sabe lu que yêran. Pus al ver aquillu, tiu Muizés cupiou aqueillas letras tan strañas y mandou-l papél para Miranda, pa’l Padre Mouriñu.

Anfelizmiênte paréce que nunca alla chegou purque tiu Muizés nunca tubu nuticias subre la sue çcubiêrta y’l tal papel nun sta perźente nals arquivus dal Padre Mouriñu, yê péna !

Lus homes de la Refiêrta

2011-06-23T22:37:00.001+01:00

Yêra tradiçon de fazer ũa fugueira pa’la Mona’l Mayu, mas hoije cume ya nun hai mona niên monu, ya nun hai la tal fugueira. Mas de restu cuntinamus d’ir an Mayu a curta lleiña, no cu’l carru de buis, mas si cu’l trator. Pus anchimus l’aterladu y arre qu’arre cavallus que ten l trator !

Lus homes de la Refiêrta

Pus biên ! Astañu alla fumus nos pu’la Refiêrta, you, Oscar, Urlandu, miu pai, Mariu, Zébiliu, Fernandu y tiu Demingus. Arredios qu’assi puxémus ! Mas cun buôna gana que se no tamiên n’inviêrnu quedamus na caźa’l pobu cu’lus cullones meyu returcidus cu’l friu ! Ancalladicus... moçus !

Puxa ! Puxa ! Mirai cume traballan !

Conchu ! La puchara la madeira cume staba de mullada ! Home... carregadica d’auga, yêra deficel d’allebantar aqueilles cépus qu’Oscar y Fernandu iban curtandu. You pu’l fin ya nun pudie mas y fui-me a tratar de mirar pa’las xaras, chougarçus, tumiêllus y outras yêrbas doces pa’ls mius uôllus qu’habie pur aqueilles cerradus. Treminei que ya tenie feitu la mie parte dal traballu. Pus mirar pa’las froles yêra couźa que m’agradava mas de que puxar pur cépus qu’outrus eiriên queimar !

Aterladu chenu !

L’aterladu chenicu y ya todicus cuntenticus de la vidica cu’la nuôssa lleiña y so de saber que ya nun ibamus a passar frius an tiêmpus de gelada llougu mus calciu’l curaçon y ampéçou-mus a rugi la barriga...

Yêran horas d'almurçar !

Ala ! Nistanticu cheguémus a la caźa’l pobu y ya Mariya mus tenie l’almuôrçu feitu. Yêra perźuntu, queiju, chouriçu, bollus de bacallau, pollu, pan, vinu y cerveija y todu. Eilli nun faltava nada ! Boh ! Tamiên nun yê solu an Samartinu qu’hai comes y bébes, hein ? Bah y cu’l bandullu chenu inda apetecie tumar un café, cume pra star guinchu durante’l restu dal die !

Mirandanças an Burdeus

2011-06-15T13:31:00.000+01:00

Souturdie nal passadu fin de sumana fui’l festival anternational de fulklore ourganizadu pur ũ’associaçon purtuéźa de Burdeus y la cambra de la junta de Cenon. Ende venirun grupus fulkloricus de Paris, Suiça, Burdeus, Cantabria y un grupu de la scuôla de danças mirandéźas Mirandanças.

Lus dançadores, gueiteirus cantabrus cu'l Labaru y dous jurnalistas de la Radio Loredo

Aquesse grupu yêra cumpuôstu cun dançadores de palus y un grupu fulkloricu de danças tradicionales cu’ls témas : l’Heiléna, Mira-me Miguel, la Ghota, al Pingachu,… N’aquesse ultimu grupu staban alla dous cicuiranus ; Eiloi y Eiduardicu.

Nun vus falarei ende dals outrus grupus, a nun ser de lus cantabrus, purque lus outrus yêran lus meñotus de questume cu’lus cantus qu’arrebentan cu’lus oubidus ! Y que siêmpre fazen fugir ũa légua aloinge als que nun stan habituadus cume you !

Suldadus a la spéra de la batalla

Dende lus dançadores fui outra couźa, ya las moças berraban Os Pauliteiros ! Os Pauliteiros ! Y yê verdade que dançorun mui biên. Pus miu pai ya so dezie qu’habie muitu tiêmpu que nun habie vidu uns dançadores tan buônus !

Eiduardicu cu'l rastru y'l fardél a l'ombru

Lus cantabrus que tamiên habiên venidu cun gaitas de fuôlles y un grupu de danças, yêran d’ũa vila que chama Laredo. Veniên cun dous jurnalistas y un d’eilles inda me fizu ũ’antervista pa’la radiu lucal y pediu-me pra que’l falasse de Miranda, dal mirandés y de las nuôssas danças. Y la cuncluźon de todu yê que si tenémus muitas couźas an quemun cu’eilles.

De restu, eilles tamiên trairun un grupu de beiladeiras Sevillanas qu’a mi si que me gustorun muitu, subre todu ũa d’eillas qu’iba cu’ls uôllus pintadicus d’azul.

Nuôvu gubiêrnu cicuiranu

2011-06-12T21:51:00.001+01:00

Yê hoije que’l nuôssu rei Don Briximu II outurgou puder als nuôvus nembrus dal gubiêrnu cicuiranu. Furun hoije chamadas las seguintes pessonas :

Benjamin, menistru de la cultura

Oscar, menistru de la caça y pesca (acumpañadu cun Tacu)

Ana, menistra de l’agricultura

Mariu, menistru de las forças armadas

Silvia, menistra de la salude

Dalfin, menistru de l’eicologie

Urlandu, menistru de las obras pur fazer (purjetus)

Al señor menistru de las cencias y angeñeries

Chicu Bunitu, menistru de la purduçon

Balmiru, menistru de lus prédius (huôrtas y cerradus)

Américu, menistru de lus sportes

Alcides, menistru de las publicaçones (llibrus y jurnales que nun son cuntruladus pu’l Rei)

Vitor, menistru de las stradas y altomobles

André, menistru de la joldia y fiêstas

Tiagu, menistru dals jardins

Nandu, menistru de l’eiducaçon

Jaime, menistru de las obras feitas (purjetus acabadus)

Eiloi, menistru dals antercambius y negocius strangeirus

Claudiu, menistru de las artes galanas (bélas artes)

Eiduardicu, menistru de la mucidade (acumpañadu cun Piçtrachu)

Tiégui, menistru de las cencias y angeñeries

Menistrus de la purduçon y de las obras pur fazer, nal menistériu

Al puder outurgadu pu’la Real Pulitica de Don Briximu II tenera ũa validade d’un añu a cuntar d’hoije y nun da dreitu a qualquiêra forma de pagamiêntu pur salariu, nin reforma açpuis dal dever cumpridu. Dende las pessonas cu’l nome eiqui screbidu puderen partecipar a las varias reuniones menisteriales a la caźa’l pobu.

Buônus diês Cicuiru !

2011-06-03T10:57:00.000+01:00

Aquesse die 15 de mayu tubimus eiqui an Cicuiru un cumiciu de la parte de lus caçadores de Cicuiru. Pus yêra pra mus agradecer pur habermus deixadu aquessa giênte toda a caçar an Cicuiru nal passadu més de Febreiru.

Oscar a purpara la cumida

La quemida si que mus agradou ! Fui purparada pur aquesses qu’ende védes nal retratu. Fernandu purparou-mus ende un javali que si mus anchimus anté nun pudé mas !!! Venie c’un mollu biên buônu de vinu y pumiêntu… A rapazes ! Vitor ya nun pudie mas cu’l buônu que staba ! Conchu ! Solu de falar n’issu agora paréce que ya me sta a dar fome !

Al pote de las batatas

Las méźas staban ourganizadas de tal maneira a que lus ampurtantes stoubissan assi todus juntus alla pa’l fundu. Nos que tamiên somus miu ampurtantes mas nuôvus y gichus cume’l llume, fazimus un juntoriu de la mucidade na punta de la sala.

Alla quedémus nos, antre nos, cun vinu, pan y queiju. Y para Eiloi habie Sumol purqu’él inda nun puôde buer vinu... anté niên sei cume yê que l’aceitémus cu nos. Pus cume se puôde ver aende, Eiloi fai que sta a buer cerveija.

La mucidade de Cicuiru : (mas para alla) Eiloi, Oscar, Vitor, André, Urlandu

(mas para aca) Claudiu, Jaime, Fernandu

Yêra buônu de starmus assi todus juntus ! Sacalla habera que repetir aquissu mas vézes. Y dende saquei aquesse retratu… buônus diês Mucidade ! Si que mus agradou ! Si que stabamus cuntentus !

Ah moçus ! Cume arregañais la tacha !

Pus moçus ! Cuchinus montéźes nun yê’l que mus falta y anté se criyan eilles solus ! Recoiru ! Falandu de monte ya niên vus cuntu lu que fazimus açpuis d’haber cumidu, ya cu’l bandullu biên chenicu, ala qu’ala, fumus pur caminus d’Aliste a splurar, you, Oscar, y Eiloi. Mas issu ficamus pra cuntar outru die !

Al magicu de Cicuiru

2011-06-02T14:49:00.001+01:00

Cume yê que pudera ser issu ? Se la lluç alumiya y siên star ligada a ningun filu ? Pudeis ver eiqui purquei !!!

Pedidu als mirandéźes

2011-05-22T14:16:00.000+01:00

Dende’l blog pidu als mirandéźes que me léyan pra que buscan s’inda hai pendones pu’lus defrentes llugares dal Prainu. Trata-se d’ũa bandeira ou standarte grande cun pu’l ménus 16 m² atribuidu durante la Recunquista a cada llugar y qu’hoije solu puôde star preźente ne las eigreijas de las nuôssas tiêrras.

Nos eiqui ya achémus al de Cicuiru y pudereis daprender mas subre tal bandeira eiqui. Son ũas bandeiras ampurtantissimas pa’la nuôssa storia y de tal maneira qu’hai que turnar a sacar-las y a lleva-las nas purciçones cume se fazie d’antañu.

Solu lus mas viêllus dals llugares yê que saben dal pendon y de cume yêra, purque lu viên siêmpre quandu yêran mas nuôvus y anté scalla andorun cun él. Yê dal nuôssu deber de saber lu que passou cu’l pendon de cada llugar para turnar a repetir aquessa tradiçon de 1000 añus !

Dal çerdeiru al çreiju...

2011-05-20T22:08:00.000+01:00

Vengu eiqui cu’aquesta nuôva pra vus dezir que las çreijas ya van maduras. Pu’l ménus las vurmeillas, purque las brancas inda stan biên verdicas. Ya tube la suôrte de las purvar y stan méźmu buônas, cume siêmpre. De restu agora spéru las brancas, que cume lu sabeis son mas tardiêgas.

Inda stan verdes...

Tamiên apurveitu aende pra vus deixar lus nomes que da-mus ne la nuôssa lliêngua al arbe que da las çreijas :

Çreijeira

Çreijeiru

Çreiju

Çerdeiru

Çerdeira

Ya tengu oubidu to’las palabras an Cicuiru y Samartinu, solu la palabra çerdeiru yê qu’oubi na Vila (Bumioźu).

Dende cuidadu cu’las brancas que quandu vus apurcateis ya you las tenerei papadu todas !

Quatru añus a xurdir pu'la nuôssa eidentidade !

2011-05-19T11:53:00.000+01:00

Fai hoije quatr’añus qu’ampecei a screbir pur’ende ne la nuôssa lliêngua. Fai hoije quatr’añus quandu pur’ende a xurdir, a çcubrir la nuôssa verdadeira eidentidade. Eiqui ampecei cun retratu dal marcu 468 de la frunteira, hoije deixu-vus eiqui un retratu de las xaras que stan eilli a medrar.

Las xaras dal Samarcus

An quatr’añus çcubri que la nuôssa fala nun yê ũa couźa eiźelada an Purtual, mas que tamiên se fala inda an d’alguns llugares de Llion, y de la Cabreira. Nun yê peciźu de mus “vender-mus”, nos mirandéźes cume un purdutu ou un pobu special de Purtual, purque a final hai-lus eigual a nos alla p’arriba n’aquessas muntañas de Llion. Mas anté hoije quiên lu sabie ? D’alguns. Quiên lu querie dezir ? Naide.

Pus aende sta l’oujetivu prencipal d’aqueste cadernu, turnar al naide an muita giênte !

Cicuiru inda ten un Pendon !

2011-05-17T22:47:00.001+01:00

Nal passadu sabadu cumbinémus you y tiu Muizés pra irmus a vé’l pendon ende pu’las 10h30. Quandu cheguei a la sue oufecina tiu Muizés staba a acabar ũas gravuras. Pouźou l’anstrumiêntu, apagou’l radiu, fechou l’oufecina cu’la chabe nu pustigu y ala qu’ala fumus pa l’eigreija d’un passu ligeiru.

Al chegar, ya alla staba Mariya a curtar roźas de las d’Eidmundu pa’las puner n’eigreija. Nos entremus y alla fumus dreiticus a la sacristiya.

Tiu Muizés an frente'l Pendon de Cicuiru

Mas y’l pendon d’onde sta ? que perguntou Mariya. Nals gabetones de l’arca de San Juan que l’arrespundiu tiu Muizés. Abrimus anton l purmeiru y alla staba él, biên anrebulladicu n’un llençol brancu cu’ls curdones al lladu.

Anton ampeçémus a dezanberullar al pendon. Purmeiru yêra vurmeilla, açpuis verde, vurmeillu y verde pur fin. Lus curdones gordus, pu’l ménus 4 cm de diametru. Salimus anton de la sacristiya cada un pegandu n’ũa punta dal pendon y buscandu d’onde lu stender. Açpuis achémus ũa vara d’onde l’anfilar y tiu Muizés tubu l’eideya de lu culgar dal « balcon de lus moçus » cume you’l chamu. Y dende ampeçei-l a sacar muitus retratus. Cume’l pudeis ver aende las puntas ya stan biên stragadicas mas nada grave.

Ũa de las trés puntas dal Pendon de Cicuiru

D’eiqui a poucu spéru abrir aende nal cadernu ũa nuôva paigina special dedicada a aquessa bandeira tan special, d’un tipu scalla unicu an Purtual. De restu pudeis ver eiqui que'l nuôssu Pendon ten quelores parcidas cun las quelores de lus pendones de Llion. Pus al verde y'l vurmeillu an nada tenen a ver cun Purtual, muitus pendones de Llion son tamiên d'aquesse jeitu.

Ancuôntru Stur-llionés

2011-04-26T22:14:00.000+01:00

La feira de la Lluç, tamiên cuinecida pur feira de Samarcus, queda-se cume un eiventu ampurtante ne la vida de la giênte dal Prainu. Essa feira ven ya de lus tiêmpus perdidus y ancuôntra-se registada n'alguns manuscritus paroquiales de Cicuiru, nal tiêmpu an que Custantin fazie parte de la freguesie Cicuirana. La feira de la Lluç ten ua sineficaçon bastante fuôrte, amustrando l’ounidade d'un pobu que tuvu durante muitus tiêmpus la mesma lliêngua.

Meźmo açpuis de la puôsta de la frunteira, la feira essa nunca parou, y cadañu yê perpétua a eilla meźma, chamandu toda las giêntes de l'antigu réinu de Llion y agora de to'la peninsula, pr'aquessa fiêsta y ancuôntro que yê la feira de la Lluç.

Ũa tie al pie de la marra mas alta dal cabéçu (Lluç, 1966)

Pur issu vengu hoije eiqui a aperpuner-vus un ancuôntru antre nos, giênte de Miranda, Llion y Camora pra falar la nuôssa lliêngua naqueste die 1 de Mayu a la feira de la Lluç. Puderémus falar, anchir biên’l bandullu y ver muitus fundus de jarras de vinu. Issu yê, cumu se fazie dantes hai biên tiêmpus, de quandu veniên lus maragatus pra ca.

Spurmentandu las fraitas y lus punteirus de las gaitas de fuôlles (Lluç, 1966)

Y onde yê issu ? Yê mui simples. La feira yê cadañu feita ne la marra antre Purtual y Spaña a la borda la strada antre Custantin/Constantim y Mubeirus/Moveros. Assi que se quereis venir y passar un bun die pur ende ya sabeis… Pur la marra alta d’al pie la capiêlla vus asperarei !

Apoyu a tiu Almendra…

2011-04-26T16:08:00.001+01:00

Recoiru ! Hai cençura dal sandinés ? Yê cun aquesta pergunta que quiêru apuya lu que dixu tiu Almendra fai un diês atras. Paréce que se ten feitu dal sandinés apénas un mirandés siên “lh-” ! Mas nun yê biên assi. Reconchu ! So yê mirar pa’ls versus dal Padre Mouriñu pra ver que’l Sandinés ten sons biên speciales. Al Padre Mouriñu meźm’él solu screbiu uns poucus versus…

Purquei ?

Sera que yê mui cumplicadu screbir sandinés ? Anton s’assi yê purqui’que uns cumplicorun inda mas la couźa cun la storia dal “lh-” ? Nun se’l pudie haber dadu un dobre valor ; “l-” pr’al sandinés y “ll-” pr’als outrus… assi to’l mundu screbie “lh-” y la giênte purnunciarie-l cume’l dir la gana… boh… ca home !

Tiu Almendra, al sandinés yê llionés y’l mirandés tamiên ! Al mirandés y’l sandinés pra biên vus dezir nun son lliênguas, son falas. La lliêngua yê’l stur-llionés y nun hai outra. Purque se mus punémus ende a dezir que’l mirandés yê ũa, l sandinés outra, açpuis tamiên tenémus que dezir qu’hai’l bercianu, al senabrés, al maragatu, al cabreirés, al llionés, al riyonorés, al guadramilés, al sturianu… Y s’ende vamus inda afundimus la peninsula cu'l péźu de tantas lliênguas !

No ! Son todas falas, falas que tenen muitas couźas an quemun y pudémus las juntar todas y dezir que forman l que pudémus hoije chamar al Stur-llionés. La lliêngua yê solu aquessa y nun hai mas !

Y se vus da la gana de screbir sandinés pus fazei-lu ! Yê buônu que lu fagades !

Quiên yêra Manuel José Fernandes Cicouro ?

2011-04-26T15:32:00.000+01:00

Ya niên sei d'onde diañu atupei aquissu, mas de ciêrtu l'home veviu anté fui a studar para Storga ! Yêra Doutor an Dreitu y anté fui deputadu y jurnalista ! Mirai vos !

Samartinu ou Cicuiru ?

2011-01-11T18:49:00.000Z

Anda pur’ende ũa couźa bouba ! Ũa daquessas couźas que niên cu’la cencia se puôde splicar... Anton nun yê que souturdie achei un retratu de Cicuiru na purtalada dal cadernu Samartineiru meźmu adonde diç “São Martinho de Angueira” !!!

Ora esta agora ! Nun sera qu’houbu ũa barafundia spaciu-tiêmpural y quiês ver qu’ũa parte de Cicuiru se stramugiu pra Samartinu pur un ratu !

Mira, mira boh ! La fiyeira, al loureiru..., la caźa d’Eidmundu y la de Chicu Checola tamiên sta ! Ala ! Reconchu ! Y agora cume splicais vos aquestu ?

Atiçai...! Qu’essa si yê buôna !

2011-01-07T17:26:00.000Z

Cun trés tratoradas de lleiña la fugueira de Sant'Antoñu si que vai a ser buôna ! Nun passarémus friu niyun y anté nun sei you se nun punerémus alla ne las braźicas ũas tabafeyas pr’assar... Dioźla ! Aquessa nun vai a ser cume la de lus custantineirus qu’ardiu muitu y calciu poucu.

La lleiña pa'la fugueira

Ya hoije cuméça la fiêsta de Sant'Antoñu assi que ya van sendu horas de purpara la fugueira...

Benjamin : Ho ! Ho ! Calma mucidade... qu’agora sta a chuber...

Diamentinu : Arre diabu ! Y vos si quereis queimar trés tratores de lleiña ?

Balmiru : Nos fazimus siêmpre assi ! Yê la tradiçon de queimar muita lleiña !

Tiu Bunitu : Hay home ! Ya dantes quandu nun habie lleiña faziêmus igual !

Oscar : Anton… quei ? Cume la muntamus ? Conica cun baze pseudo-circular ?

Dalfin : Issu yê que yê cencia ! Antendes de la pelicula !

Benjamin : Carallu you que sei ? Mas agora no qu’inda sta a chuber...

Urlandu : Si, si agora no que sta a chuber muitu... Mariya ! Bota eiqui ũa cerveija mas yê...

Balmiru : Bah... mas anton ?

Tiu Bunitu : You que sei... chamai l’angeñeiru...

Oscar : Bah... bah... hai que decedir se no you vou-me... tengu mas que fazer !

La cumbersa assi cuntinou cu’las cerveijas... Y passadu un tiêmpu antrou Eiloi derrepente ne la caźa’l pobu.

L'almuôrçu dal die dous açpuis d'ir a la lleiña

Eiloi : Ya terfunei a l’angeñeiru !

Tiu Bunitu : Hay estes carallus ! Mira-tu ! Y anton que te dixu l’angeñeiru ?

Eiloi : Dixu-me que pra fazer ũa fugueira stable y que dure, ten que tener ũa forma cubica... y que se ten de puner ũa pita ne la crona pr’aviźar dal sentidu de l’aire.

Tiu Bunitu : Ala ! Niên si niên sopas ! Vamus alla !

Dalfin : A Mariya ! Hey ! Cume se ponen… derraman-se ! Nun hai heipoteç...

Urlandu : Parece qu’inda sta a chuber…

Chicu Bunitu : Atiçai ! Qu’essa si yê buôna !

Un bun añu ! Nuôvu ?

2011-01-06T21:36:00.000Z

Ala, ya passémus l’añu ! Spéru que lus vayamus cuntandu todus juntus. Meźmu sabendu que cada veç somus menus. Astañu fui l’unicu eimigrante nu barriu altu, mas naide apareciu ! Prontus anton aca stamus nos pra mas outra ronda de méźes cun niêve, chuva, prainus verdes cun froles, cerdeirus cun fruta, mas ũa segada ya siên fouç, ũas alfas de calor al rechin dal sol, castañas, y mas chuva y niêve cu’l fumeiru y las tabafeyas pr’assar.

Y todu issu vai passandu siên que naide se deya decuônta que la placa dal llugar cuntina mal screbida ! Mas pra que toda la gente saba, al nome dal nuôssu llugar ven de Cicuriu qu’açpuis eivoluiu an Cicuiru y que desse jeitu se quedou anté hoije.

Mas la placa cuntina mal screbida... purquei ? Solu purque nun sta nal caminu pra Miranda ! Gustarie un die de vus ansinar todas las stupidézes qu’hai naquessas placas todas y naide diç nada !

Apénas you yê que fagu un deber que pensu ser civicu y de vezes an quandu currigu la placa screbindu “Cicuiro” an baixu... cume quiên diç, an pequeiñu, nun sei a que me lu tiran !

Ha ! Pus vale-mus la péna de ser de la meźma quelor pulitica que la cambra de Miranda ou de tener alla na cambra a… buônu ya nun digu mas ! Nun sei a que me batan ou nun me falan ya la proxima veç que turnar an Cicuiru...

Anton a final astañu, un añu passara, mas nun habera nada de nuôvu, uns poucus de garotus naceran, muitus viêllus murreran. Aquesses meźmus viêllus que dezirun siêmpre Cicuiru...

Ya agora vou a dezir cume n’ũa cuônta samartineira biên cuinecida : Ou la cambra nun ten deñeiru ou lus qu’alla stan nun tenen curaçon !

Hoije yê die de Reis, nun sei a que tengan piyédade de nos y que mus trayen ũas nuôvas placas... que cun la cambra ya nun cuntu !

Ala, dende un bun añu (nuôvu ?) pra todus !

Al Pai Natal passou pur’ende ! – ũa cuônta de Natal an mirandés (Cuncursu)

2010-12-24T20:32:00.001Z

Un rapazicu stramugidu dal Prainu pediu-me pra’l puner eiqui la sue cuônta de Natal pal cuncursu. Al purbléma yê qu’esse rapazicu nunca daprendiu a screbir mirandés na scuôla de Miranda. Daprendiu cun llibrus ya viêllus y la maneira de screbir fui-l venindu cul tiêmpu mirandu pa’las paredes de Cicuiru donde vie screbidu “año...” mas tamiên an llibrus llionéźes.

Tal cuônta nun puôde partecipar al cuncursu, mas eiqui la deixu para que seya pul menus lida.

Yêra ne la nuite de Cunsuada habie ũa nubrina que niên se vie pur donde un atrupeçaba, ũa d’aquessa nuites onde ni’l llobu sale…

-Xooo ! Xo.... Xooooooooo !

-Arreca ! Arre ... Arreca !

Y houbiu-se un grande berullu, y ũas cabras a berrar. Quiês ver que me spetei n’ũa peiña ! dixu’l Pai Natal. Ampéça anton a salir dal sou carrecholu, mas llougu se dou decuônta que nun staba n’ũa peiña purque parecie que’l suôlu cherrincaba muitu !

Concho ! Parece-me que stou nun telladu ! pensou él. Las cabras staban mui einervadas y s’assi cuntinaban inda iban a strampalla’l telladu todu ! Xo ! Xo ! Xoooooo ! gritaba’l Pai Natal pr’acalmar las cabras.

Las cabras acalmorun-se y’l Pai Natal tentou abaixar-se dal telladu d’onde s’habie spetadu. Mirou al p’arriba y quandu s’apurcatou dal campanairu llougu viu que s’habie spetadu n’ũa capiêlla. Ũa de las cabras anté tenie lus cuôrnus metidus n’ũa campana y cume se mexie muitu parecie que tucava’l sinu meyu nun sei de que maneira...

S’aquissu yê ũa capiêlla, anton vou-m’a pedir ajuda’l santu ! pensou’l Pai Natal. Y quandu iba a bater a la puôrta de la capiêlla achou alla un papelicu que dezie assi :

Fumus you y la Lluzie a passa la Cunsuada cu’las sues seis armanas alla pra Peiña Trevinca.

Assinadu : Samarcus

Hay l’alma de Dius ! dixu’l Pai Natal. Acabei de me spetar na capiêlla la Lluç ! Y ni’l Samarcus niên la Nuôssa Señora de la Lluç stan ! Mas cume you hei de fazé agora pra saca’l carrecholu de l’altu la capiêlla ?

Mas al mira pa’la squiêrda apercebiên-se dous selumbrones que parciên que traien un fachucu y que veniên al para ca. Quiên diabu pudie ser pur’aquestas horas ?

-Hey ! que vuzio’l Pai Natal.

-Houu ! arrespundiu ũa voç.

-Hai missa ? cuntinou preguntandu la voç.

-No ! Qu’eiqui ya niên hai santus pra quantas mas curas pra daren missa ! retrucou’l Pai Natal. Siêmpre vendu aquesses dous selumbrones que veniên cada veç mas pra él.

-Hay ! Mas houbimus tucar a missa, dixu ũa de las vozes.

Quandu l’acunchegu dou pra se veren de cara a cara, al Pai Natal dou un saltu cul sustu de tanta suspreza de ver aqueillas dues persunaiges; yêra un tiu y ũa tie.

Al tiu trai un chapeu y un vestidu meyu demingueiru d’ũa quelor que parcie que s’habie revulcadu na cinza. Traie tamiên ũas bullacas an vuôlta’l cachaçu y’l que assustaba mas inda yêra’l chucallu que l’home tenie antre las piêrnas y ũa mascara tan feya. Mas tan feya qu’inda yêra mellor niên saber purque llebaba aquissu de puôstu.

La tie, que na verdade tenie mas cara d’home que de mulliêr, venie vestida c’ũa saya mal antruqueźada

y ũas quelores na cara que daban mas noiju que ganas de la beijar. Y cu’las chamas dal fachucu, lus dous pareciên meźmu uns miêdus !

-You sou’l Carochu, dixu l’home.

-Y you la Viêlla ! Yê assi que me chaman pur’qui ! retrucou la tie cume pra nun quedar atras de l’home.

-Ha ! Pus you sou’l Pai Natal, arrespundiu’l tal cun miêdu de saber cun quiên se staba a meter.

-Ha ! Vos sodes al pai de Nadal ? arrespundiu-l la Viêlla. Yê bun rapaç, ya’l vimus na tervizon ! Nun yê pur vus dezir mal, mas al fillu nun s’asparece cu’l pai. Al fillu yê mas guapu !

Al Pai Natal mirou pr’aqueillas dues almas siên sabé lu qu’habie d’arrespunder. Y anton pensou-él : aquesses dous spritus salidus de nun sei onde nun me parecen mas strañu que you cul miu carrecholu spetadu nal campanairu d’aquesta capiêlla... Y dixu anton :

-Tengu... tengu’l miu carrecholu y las cabras spetadas nal campanairu de la capiêlla... y...

-Anton pu’lus dous biên que lu sacamus dixu’l Carochu.

Anton al Carochu quiju chubi nu telladu mas al Pai Natal dixu’l qu’inda yêra mellor que se queda-se a baixu pra nun assusta las cabras. Y nun quantu ratu, ala, ya’l teniên carrecholu y cabras nu chanu. Al Pai Natal viu-se tode cuntentu y pediu anton cume yê que puderie paga aquesse tan grande favor. La Viêlla mirou pa l’home y falou-l baixicu, a dezi-l que peciźaban d’ũa arca cungeladora pra puné alla’l fumeiru.

-Mirai, dixu’l la Viêlla, nun tenemus deñeiru, somus mui probes y queremus ũa arca cungeladora pal fumeiru, mas nun sabemus donde l’achar…

-Pus tengu you ũa eiqui nu carrecholu, ũa arca de las buônas, feitas pur mi ! dixu’l Pai Natal.

La Viêlla quedou-se toda cuntentica de la vida y’l Carochu cume yê mui fuôrte llougu angayulou l’arca nas cuôstas.

-Inda fazeis fumeiru ? perguntou-l Pai Natal.

-No son outrus que mus l... mas la Viêlla nun tubu tiêmpu d’acabar de falar que’l Carachu mandou-la callar. La Viêlla fizu seiña de la manu cume pra dezir Adius y llougu se fundirun ne la nubrina. L Pai Natal achou-se solu outra veç.

Ũa de las cabras staba tuntica pur cumpretu, andava cu’la cabéça a las vuôltas cume s’inda stubissa a tuca lus sinus cu’lus cuôrnus ne la campana. Mas al chubir nal carrecholu’l Pai Natal houbiu a mode d’un berullu cume madeira a rachar-se, yêra la cabeźnalla que se l’habie rachadu an parte. Ya nun se pudie cuntinar assi, habie qu’achar quiên’l cumpuni-se aquissu, se no lus preźentes nunca chegariên a tiêmpu pra toda la gente.

Dende nun habie outru remédiu qu’andar an frente a ver se vie mas pessonas ou quiên’l pudisse dar ũa manu. Baixu-se dal carrecholu y puźu-se nu caminu de la Raya, a guiyar las cabras, an direçon a Cicuiru.

Cu’la nubrina, cuitadu, nun vie nada, mas alla iba. So quandu houbu ũa voç que’l chamaba :

-A Zé barbélas ! Tu’l barbubu ! Anda ven eiqui !

A Pai Natal acunchegou-se, mas nun cunseguie ver a naide. Quiên yê ? perguntou.

-Sou la Moura de Fuônte Cagada que l’arrespundiu la voç.

-Hui home ! Anton nun debes d’andar mui llimpa que’l dixu’l Pai Natal.

-Andu cume puôdu, mas sou la rapaza la mas guapa d’eiqui y se me quiês ver tenes que puxar pul filicu d’ouru qu’hai ende na fuônte.

-You nun te quiêru ver pra nada ! You’l que quiêru yê cumpuné la cabeźnalla dal miu carrecholu !

-Fai-l que you te digu y ya t’ajudarei cul tou carrecholu, dixu’l la moura.

Assi’l Pai Natal pensou que nun serie nada mal de ver ũa rapaza biên de-lei, meźmu se stubisse dalgu cagada, y pra quantas mas s’eilla’l pudisse ajudar. Anton l’home puźu-se a puxa pul filicu d’ouru. Y puxaba, puxaba, anté qu’ampeçou a fazé un nubiêllu. Parecie que mas puxaba, mas habie pra sacar d’eilli. Anté que se fartou y que’l dixu anton pa’la moura :

-Mira, al filu esse ya’l puxei bastante y nunca mas s’acaba, ya vou fartu. You vou mas yê a curta-lu que me vai a servir pra cumpuné la cabeźnalla.

La moura solu tubu’l tiêmpu de mandar un gritu y toda anfadada que’l dixu assi :

-Yês un bizgoya ! Agora dubres-te-me l’ancantu ! Hay que vai a ser de mi qu’inda me vou a quedar eiqui !

Anton’l nubiêllu d’ouru zaparciu y’l Pai Natal anfadou-se todu deziêndu-l que las rapazas cagadas nu l’antersaban pra nada ne la vida, y marchou d’eilli. Ya iba un cachu andandu, mas cume la moura l’habie puôstu tontu, pus cuitadu de l’home, ya niên sabie pra qual lladu s’habie idu. Andaba nal meyu d’un piñeiral mas grande que sei alla ! Nun se vie alma... Mas derepente houbiu un home a chamar : Tacu ! Tacu ! Tacu ! Y llougu assi seguidu uns tirus de caçadeira. Al Pai Natal llougu s’atirou pal suôlu y sentiu chumbus a passa’l pu riba la cabéça. Cul berullu las cabras assustorun-se y zamporun-se pul caminu arriba. Açpuis inda s’houbiu mas vuziar : Tacu ! Tacu ! Quiç ! Quiç ! Quiç ! y un perru que lladraba muitu al loinge.

Al Pai Natal quedou-se nu suôlu un cachu pensandu que la sue vida yêra mas ampurtante qu’l carrecholu, so quandu hoube :

-Stais buônu ?

-Stou si, gracias a Dius, quiên sodes ? Nun vus veyu ?

Anton saliu un homicu mui pequeiñu de tras un arbe, yêra un Facanitu. Traie ũa vara nas manus c’ũa calabaça alla culgada y de restu andaba vestidu a mude d’un Caretu ; cun prumas de tode’las quelores.

-Ya nun hai prigu, lus mius amigus angañorun’l perru y’l caçador fui-se atras que’l dixu’l Facanitu rindu-se muitu.

Al Pai Natal quedou-se sintadu nu suôlu mui seriu mirandu pr’aquel home nanu que parecie un indiu de las Américas. Lus dous cumeçorun anton a falar y’l nuôssu amigu cuntou-l las sues abinturas. Y agora siên carrecholu que sera de mi, cume you hei de fazé-l miu traballu ! Ampussible ! dezie’l Pai Natal.

Mas al Facanitu nun yêra burru y cuinecie mui biên’l bosque y lus animales. Llougu pensou que las cabras s’habiên idu nun puntu altu. Y que cun certeza ya stariên p’alli na Candena. Mal ende chegorun que ya staban eilli ũ atropa de Facanitus a tantar calma las cabras. Ya agora’l Pai Natal quedou-se mui cuntentu y siên saber cume agradecé lus Facanitus agarrou-lus todus d’ũa veç y abraçou-lus d’alegriya. Un de lus Facanitus splicou’l que la strellumbre qu’eilli se vie pu’la nubrina yêra un llugar chamadu Cicuiru y qu’eilli debie de tener quiên’l pudisse amaña’l carrecholu.

Las çpedidas feitas al nuôssu amigu cuntina’l caminu pu’la Candena abaixu. Ya andaba mas cuntenticu purque sabie que ya iba achar ũa alma prestoźa pal sou carrecholu. La nubrina yêra frie qu’anté’l gelaba la barba toda. Las piêdras rudraban pur baixu las sues butoras y las cabras ya gemiên de tan duru caminu. Mas derepente ũa voç anterrumpiu al passu dal Pai Natal qu’eilli se quedou spetadu al houbir ũa fala de tan mala leche :

-Hou... tu’l barrigan ! Ven aca ! Anda ven ! que’l pedie la voç.

-You nun sou un barrigan sou’l Pai Natal !

-Pus seyas lu que fures ! Tira-me d’eiqui ! Que sou la Mona’l Mayu cuntinou la voç.

Al Pai Natal mirou al pa riba y viu ũa mona toda de palla culgada d’un mayu. El cume yê buôna pessona quiju l’ir ajudar a salir d’eilli mas açpuis lumbrou-se-l de la cuônta de la moura. Y pensou que serie mellor de nun fazer nada que donde se passa siên saber nada de la tiêrra, puode un fazer mas mal que biên. Arresponde-l anton pa’la mona :

-Queda-te ende que stas mellor home ! Pul menus onde stas al llobu nun te come ! Niên naide te xateya l’alma cume a mi !

Y la mona nun sabendu que dezir callou-se biên callada ! Que tiêrra tan straña pensou’l Pai Natal. Purque serie que’l Reñubeiru me dixu de passar pur’qui se nun trayu nada pr’aquesta gente !

Parecie que las cabras tamiên andaban farticas daquesses strambullones todus y’l caminu chenu de piêdras nu’l gustaban nada. Mas cuitadas tenie que ser assi y eillas cume’l Pai Natal alla s’iban. Ya s’acunchegaban a Cicuiru, ya çtinguiên las lluzes dal llugaricu.

Cu’las ganas d’acabar cun aquissu todu, l’andar fizu-se mas agudu y cun la priêssa al nuôssu amigu niên s’apurcatou d’un gallu que passaba pu’lli arriba y piźou-l n’ũa pata :

-Hui ! Hui ! Qu’assi me duôle ! Mas vos nun pudeis tener cuidadu quandu andais pur’ende !

-Fui siên querer... vos sodes tan pequeiñu...

-You ? You nun sou pequeiñu ! You sou’l gallu Pintu que l’arrespundiu’l gallu cun toda la proua dal mundu.

-Y you sou’l Pai Natal !

-Pus mellor pra vos ! You sou’l gallu Pintu y vou-m’a la fiêsta dal San Garbitu... llimpai-me al bicu !

-Cumu ? Quiês que te llimpe al bicu ?

-Si que cume tenie fame, piquei n’ũa buôsta que tenie un granu, mas ambarrutei-me’l bicu todicu ! Y achei pur’ende ũas yêrbas, ũ’oubeilla, un llobu, un perru, un palu, un llume y un burru, mas naide me quiju llimpa’l bicu !

-Anton s’anté un burru nun te quiju llimpa’l bicu, nun vou a sé you que lu vou a fazer !

-Si home ! Vos yê que pudeis que teneis ũa barba biên furrada pra you me llimpar !

D’oubir aquissu’l Pai Natal einervou-se todu y dixu’l assi :

-Llimpa-te tu cu’las prumas que tenes biên deillas !

Y mandou’l un puntapie tan grande mas tan grande nu culu, que’l cuitadu dal gallu fui-s’a parar alla pa’las uôrtas que yêran de tiu Calachas, nu Pradu. Arreconchu pensou’l Pai Natal, agora un gallu que se querie llimpa’l bicu a mie ! A ver agora lu que me vai a acuntecer mas !

Al caminu de la Candena feitu, pur fin antrou an Cicuiru. Cuitadu de l’home, parecie un ciganicu y ya venie todu ancutruźadu. Las cabras ya staban dalgu cuntenticas purque’l caminu d’alcatron ya nun tenie tantas piêdras y parecie mas prainu.

Nun se vie alma n’aquesse llugar, caźas cerradas y poucas chumineyas a buta fumu. Apénas d’alguns viêllus que ya nun puôden salir de caźa yê que staban eilli. Lus nuôvus ya nun quiêren venir, dizen que fai friu, y lus pais tenen pacencia y van-se par’eilles a passa la Cunsuada y l’añu nuôvu. Y issu yê quandu nun stroban a la nuôra u’l nuôru…

Meźmu cu’la nubrina cerrada que staba, las lluzes dal llugaricu ya ajudaban pra ver mellor. Açpuis d’haber passadu’l bar de tiu Calachas al Pai Natal viu a mode d’ũa pessona na strada y chamou : Hey ! Hey ! Y anton puźu-se a currer cul carrecholu, las cabras y todu pra ver quiên serie aqueilla alma perdida.

-Hui home ! que’l diç al tiu. Ya biên tiêmpu que nun vie pur’ende un ciganu cul carrecholu… mas y vos que traeis ende ? Cabras ! Hey la ostia ! D’antes veniêdes cun burrus, agora cun cabras… !

-You nun sou ciganu ! Sou’l Pai Natal y peciźu de la vuôssa ajuda ! Rachou-se la cabeźnalla y nun tengu quiên me l’amañe !

-Pus you sou tiu Bunitu ! Y dou-te las miês çculpas mas ya nun te puôdu ajudar, ya sou mui viêllu.

-Sodes tiu Bunitu ? You tengu dalgu pra vos !

-Hay l’alma de Dius ! A ver ! Mas qui’que trais ! A ver !

Al Pai Natal remexiu anton nals cunferrumes todus que llebaba y d’eilli sacou ũa cayata...

-Hay ! Ũa cayata ! Mas y you nun sou assi tan viêllu pr’andar cun issu !

-Mas l’outru die, un angu oubiu-vus dezir que se teniêdes trés piêrnas pudiêdes aguentar mas atras de las cañonas. Eiqui teneis la terceira !

-Hay ! Valle-te Dius home ! Pus muit’oubrigadu ! A ver... si, si s’amejeita biên y assi ya me stribu n’eilla !

La cunversa cuntinou durante un cachu y’l Pai Natal anté’l dou ũa matraca pal neticu mas nuôvu. Dixu’l que yê pra dar mas vida a la caźa. Açpuis tiu Bunitu dixu’l que l’unica pessona que’l pudie ajudar tenie que ser l’angeñeiru y que la sue caźa yêra un poucu mas arriba pur’ende.

Anton agradecirun-se un a l’outru y’l Pai Natal seguiu’l caminu pu’la strada arriba. Chegandu a l’altura de la caźa’l pobu ancuntrou-se c’un rapaç qu’iba pra sue caźa.

-Buônas nuites... Sos l’angeñeiru ? que’l pediu’l Pai Natal.

-You no y vos ? que l’arrespundiu’l rapaç.

-You sou’l Pai Natal !

-Bah ! Teneis mas cara de ciganu que de Pai Natal ! A ver-lu traies ende pra vender !

-You nun vendu nada ! You oufreçu !

-Anton dai-me algũa couźa !

Y’l Pai Natal llougu s’aperceviu que’l rapaç gustaba de bola y sacou dal sou carrecholu un simblu dal Porto. Anton’l rapaç ampeçou a mandar caralladas y a dezir que yêra mellor queimar issu antes que deya mala suôrte ! Açpuis al Pai Natal sacou outru simblu, yêra’l dal Benfica ! Yêra un simblu que fazie pul menus dous metrus d’altura. Al rapaç quandu lu viu quaisque queyiu de culu cu l’alegriya ! Abraçou’l Pai Natal y puźu-se a currer cume un tunticu pra caźa cul simblu a las cuôstas !

-Biên ficas ! que’l vuzio’l Pai Natal. Mas al rapaç iba tan agudu que niên dou fé de la broma.

You n’aquesse momentu salie de caźa, iba pa’la caźa’l pobu y vie a Dalfin que querie antrar pu’la sue puôrta c’ũa couźa mui grande ne las manus. Iba-l a vuzia de la strada a ver se querie ajuda, quandu m’apareciu un ciganu a la mie frente !

-Sos l’angeñeiru ? que me dixu’l ciganu.

-Si, sou you !

-You sou’l Pai Natal !

-Bah ! Anton assi you sou Duôña Urraca de Çamora no ? que’l dixe you.

Mas al ciganu parecie star cun mala leche y nun quije brincar mas cun él. Pediu-me ajuda pal cumpuner al carrecholu y you cume nun sabie fazer issu, you dixe-l que serie mellor pegar n’un viêllu qu’habie alla pra baixu’l llugar y que ya naide s’ampurtaba pur él.

Pul Caminu abaixu tubimus ũa cumbersa antersante onde’l ciganu me splicou que nun yêra peciźu que you acredita-se qu’él fusse’l Pai Natal. You dixe’l que talveç starie a suñar mas que nun me querie spertar purque la couźa staba antersante de mas. Anton él cuntou-me tode las abinturas que tubu dende la Lluç anté Cicuiru. Yêra angraçadu de l’oubir cuntar aquissu !

Quandu chegemus nu sitiu verifiquei se l’outru carrecholu nun tenie carrunchu y pur un grande milagre anté parecie nuôvu ! Al ciganu que dezie sé’l Pai Natal quedou-se mui cuntentu cul carrecholu nuôvu y carregou la sue sacada alla y acabou pur uñir alla las cabras.

-Que dizes ? dixu-me él.

-Purreiru ! que’l dixe you.

-Mira tu nun sabes d’un caçador, ten un perru que se chama Tacu...

You dixe’l que si, que yê Oscar y que vive meźmu eiqui an frente. Anton él sacou dal sou sacote ũa caxa d’onde tenie alla screbidu « TNT Danger ! ». You quedei todu cuntentu al ver aquissu, purque afinal al ciganu nun yêra ciganu, mas si’l Pai Natal ! Cun certéza qu’Oscar l’habie pedidu un carton de bombas pra matar l’añu pu’la nuite dal die 31.

Açpuis al Pai Natal splicou-me ũa storia cun facanitus, tirus, y un perru mas you cume ya se m’abrie muitu la boca so percebie que tenie lus facanitus y a mie nun me straña nada cul purblema que tubu !

Dende dixe adius al Pai Natal y ni’l pedie se me trayie dalgu pra mie y fui-me pa’la cama a drumir.

Llougu cedu pur la mañana un strondu mui grande fizu-se sentir an Cicuiru, lus perrus punirun-se todus a lladrar y you alleventei-me nistante pra ver lu que s’habie passadu. Habie ũa fumarreda que parecie venir de la caźa d’Oscar. Ha ! Pus catanu ! Al carallu ya staba a spurmentar las bombas dal Pai Natal pra matar l’añu antes dal tiêmpu !

Camin de Cantares arrecebiu’l galardon Andrés Solar

2010-12-23T14:12:00.001Z

An Asturias, la Xunta pola Defensa de la Llingua Asturiana antregou un galardon a Xosé Ambas y a toda l’eiquipa de Camin de Cantares cul traballu que tenen feitu pu l’astur-llionés. Cume sabeis ya houbu mirandéźes que parteciporun naquesse purgrama y eiqui neste cadernu pudereis turnar a ver lus tales purgramas.

Pr’agradecer y houmenagiar aquesse traballu feitu you quiêru eiqui deixar lus anllaçes pa’ls purgramas de Camin de Cantares que you mas gustei :

La lliêngua de las cañonas

2010-12-20T20:35:00.000Z

-Méééééééééééééééé !
-Méé...mé...mééé...mééééééééééééé...
-Mé
-Méééééééééééééééééééééééééééééééééééé
-Méééééééé !
-Mééééé... mé..méééé

-A tiu Bunitu...
-Quei home ?
-Mas vos si antendeis-lu qu'eillas mus stan a dezir ?
-You no y tu ?
-A pus you yê que no !
-Home ! Fai-tu un aparatu desses pra traduzir... tu que sos angeñeiru debes de saber !

-Méééééééééééééééé !
-Méé...mé...mééé...mééééééééééééé...
-Mé
-Mééééééééééééééééééééééééééééééééééé
-Méééééééé !
-Mééééé... mé..méééé

Chamu-me Lica

2010-12-19T21:43:00.001Z

Sou Lica ũa nuôva burrica an Cicuiru. Nacie an Juliu y ende querie m’aperźentar. Stou mui cuntentica cun mie mai y mie duôña que yê Arlinda. Andu siêmpre a correr pu’las tiêrras cicuiranas, dende lus Siête passu pur Sant’Amaru.

Y pu’las mañanas mui cedu alla vou you nun cerradu al pie dal Pradu a ruber yêrba. Gusta-me la yêrbica biên fresquita, inda cu l'urballeira ; da-me fuôrça pr’un die mas tarde ser fuôrte cume mie mai.

Ala ! Que passeis ũa buôna nuite, you ya me vou pal miu palleiru. Tengu sunica y vou a drumir...

Cruzes ne las paredes

2010-12-18T16:15:00.000Z

Cruç n'ũa de las caźas de ti'Réne

D’antañu yêra custume de pintar ũa cruç ne las puôrtas de lus palleirus ou de las loijas, mas tamiên se gravaban ũas nas paredes de las caźas de vevir. Puniên-se ou n’entrada cu l’añu an qu’habie sidu custruida la caźa ou anton puniên-se mas nun recantu de la parede. Cume aquesta que you eiqui vus ansinu.

Yêran eilli puôstas pra benezir las caźas y prevenir la familia de to'lus males pussibles de l'Astru y dal restu de lus seres malus de la naturéza.

An Asturias dan’l jeitu al mirandés !

2010-12-16T18:33:00.001Z

Soutru die al purgrama Camin de Cantares fui aperźentadu cun tie Carmen de Custantin. Tie Carmen yê la mai de Céliu, al famoźu gueiteiru de Custantin. Eilla sabe muitu de cantares y da-mus ende uns buôns eiźemplus dal sou cancioneiru, tantu an spañolu, an purtués, cume an mirandés.

Eilla tamiên fui pa’las Asturias ũa veç, y issu yê mui ampurtante pra nos, lus falantes dal mirandés, purqu’eilla tubu l’oucaźion de puder oubi’l bable y de l’acumparar cul mirandés. Y yê biên cume eilla lu dixu :

-An Asturias, vie que tamiên’l daban’l jeitu a la nuôssa fala mirandéźa !

Agora you nun sei cume yê qu’aqueillas pessonas (doutores) de Coimbra y Liźboua fazirun pra nun se daren decuônta de tal couźa. Eilles biên deziên que’l mirandés nun yê sturianu, y’l llionés de la Cabreira que parece mesmu mirandés... ah, issu naide se’l lumbrou !

Cume quiêra que se quedorun muitu tiêmpu nals scritorius y açpuis pensorun que ya sabiên todu. Al reźultadu yê agora ũa nurmativa ourtografica dal mirandés eiźelada y siên ligaçon cul restu dal duminiu stur-llionés !

A final de cuôntas ũa tie siên studus sabe mas qu’eilles... vaya a mundu esse...

Deixu-vus anton eiqui lus anllaçes pra verdes al purgrama y na ultima parte pudereis ver un acumpañamiêntu dal cantar Tiriyoni cun fraita, pianu y guitara !

Quandu Salazar passou pur Cicuiru...

2010-12-15T17:53:00.004Z

Yêra n’aqueilles ultimus añus de la vida de Salazar que l’home tubu l’eideya de passar pur Tras-lus-Montes a ver cume habie eilli eivoluidu la sue eideya pulitica de “l’home mudernu”.

Al ver ũa llista de lus nomes dals llugares, l’home assustou-se todu pur ver un que tenie un nome ya biên ralicu : Cicuiru. Y l’home pensou d’ir alla pra ver s’habie ũa scuôla aende y cume yê que funcionaba todu n’aquessa punta de Purtual.

La scuôla de Cicuiru

Quandu Salazar chegou an Cicuiru, llougu pensou d’ir al sitiu qu’él pensaba’l mas cultu; la scuôla.

Anton, vai-s’alla, bate a la puôrta y entra :

-Buônus diês, que diç él.

-Sou Salazar y vengu eiqui pra ver cume vai todu.

La pursora dalgu assustadica manda lus alunus allevantaren-se. Sintai-vus ! que vuziou Salazar. L’home nun parecie brincallon.

Cun ganas de saber se la sue pulitica que daba poucus dreitus habie andreitadu a al sou gustu la mucidade d’aqueste llugar, y pun-se anton a dezir :

-Quiên tenga questiones que s’allevante y que me diga lu que quiêr saber…

Anton dende allevanta-se un rapazicu y Salazar pergunta-l cume se chama…

-Marculinu que dixu’l ninu.

Anton Marculinu tenes questiones :

-Si señor, que’l diç Marculinu.

-Tengu très questiones.

-Purqui’qu’hai guerras nas culonias ?

-Purqui’qu’hai giênte an Miranda que mus ampide de screbir la nuôssa lliêngua ?

-Purqui’que’l nuôssu llugar se chama Cicouro, se nos de to’la vida dezimus Cicuiru ?

Cume Salazar se vie mui atrapalladu pur las questiones dal ninicu, l’home manda la pursora dar al recreyu.

Al recreyu acaba-se y Salazar torna cu’la sue y diç : quiên mas ten questiones eiqui ?

Anton allevanta-se outru ninicu y diç :

-You miu señor.

-Si, que’l diç Salazar. Cume yê que te chamas ?

-Chamu-me Benjamin Ché y tengu cincu questiones... eiqui van...

-Purqui’qu’hai guerras nas culonias ?

-Purqui’qu’hai giênte an Miranda que mus ampide de screbir la nuôssa lliêngua ?

-Purqui’que’l nuôssu llugar se chama Cicouro, se nos de to’la vida dezimus Cicuiru ?

-Purqui’que la pursora mus dou’l recreyu antes dal tiêmpu ?

-Y adonde sta Marculinu ?

De brancu, Cicuiru nu’l ten solu quandu neva

2010-12-03T22:10:00.000Z

No no, y yê biên verdade. De brancu, meźmu brancu puru, Cicuiru tamiên lu ten nal tiêmpu an que las arbes aparecen cu’las froles. Quandu van frolidas yê que Cicuiru sta branquitu cume niêve.

Las maçaneiras que dorun tantas maçanas...

Y lus marmeleirus, tantus qu’hai pul ribeiru de Cicuiru. Ya hoije stamus an frente al llume a quemer ua torrada cu’la marmelada alla de la nuôssa tiêrra.

Las çreijeiras que ya dorun un fruitu doce pra mus fartar-mus durante ũa buôna parte dal Branu.

Y ya se m’iba squeçendu’l vinu. Que d’onde hai ũa viña hai quaisque siêmpre un maçanal al lladu. Aende an Samartinu, al pie de la chabulica, las vigas al lladu. Parece meźmu que la maçaneira fui puôsta ende pra puder ruber ũa maçanica ou dues quandu yê’l tiêmpu de la vendima ! Y mira pu’la Raya, al mulinu la Raya y la Senabria.

La Primavéra assi fui, agora ya ven l’Einviêrnu cul sou friu y la sue calor, defrente, mas ajuntadica, nals juntorius dals seranus.

Las ginchas dal feturu

2010-12-02T09:50:00.000Z

Soutru die, uns diês antes de la nebada, salie Oscar alla de Fuônte Capitan y achou-se cun tiu Bunitu a la punta de riba de la Tapia.

Tiu Bunitu : Anton Oscar ! Hui coñu, mas que trais ende ?

Oscar : Son ũas guinchas a tiu Bunitu !

T B. : Ũas ginchas ! A mie nun me las metes-tu ! Mas que diañu sera issu ?

O. : Pus son ũas ginchas mui mudernas que sachan agora a la venda, pudeis las mercar an Alcañiças !

T B. : Boh !... Hai Dios… sacas-me tu cun cada andamiu ! Mas y eillas si s’aguentaran pr’arrincar batatas ?

Oscar y las sues nuôvas guinchas

O. : No ! Qu’aquestas son guinchas pra revuôlcar l’aire !

T B. : Hay hay home ! Calla-te qu’anté me cagu cu’la riźa ! Andas a revuôlcs a l’aire cun aquissu ? Vaya a traballu ? Hahahaha... Quaisque pareces l’outru taradu de l’angeñeiru que se pon an Sant’Amaru y que diç qu’oube las trubuadas !

O. : A tiu Bunitu las ginchas essas son pra catar las ondias ! Las ondias de las tervizones...

T B. : Coñu ! Nun me lu sabiês dezir antes… pus yê ũa antena ! Ũa dessas de la tervizon, anton no ?

O. : Si yê issu meźmu tiu Bunitu, mas yê ũa nuôva antena pra catar la TDT y lus canales spañolus... assi a ver se veyu a la Maria !

T B. : Stas-me ũa buôna TDT tu... hay hay... TDT... Y la Marie ! Boh que Marie ? Viste ũa rapaza ende an Fuônte Capitan ?

O. : No, agora ya nun yê cume nal vuôssu tiêmpu ! Ende ya nu las hai ! You falu de la Maria Casado, ũa jurnalista de la TVE1. Y vou la catar cu’las guinchas essas !

Ende passa Dalfin y cume ya oubiu a meyu la cumbersa :

Dalfin : Hui Oscar ! Cume te pones ! Y agor’issu ? Pareces un bernabé d’alqueilles...

T B. : A Dalfin ! Diç que yê pra catar las moças ! Ũa Marie spañola...

D. : Quei ? Angatar ? A pus carallu... vai a quedar buôna la Marie...

O. : Venga ! Venga ! Vos nun sabeis nada d’issu ! Yê pra tener nuôvus canales, lus de la TDT, ya açpuis serei l’unicu a tené la tervizon an Cicuiru, y vos siên nada ! Nadica de nada !

D. : Quei ? TNT ? Arrediabu mas tu inda vas arrebentar cun Cicuiru !

T B. : Y si funciona la çringonça essa que dizes que son guinchas ?

O. : No, inda nun cunseguie purque al trasmissor sta’lla pa la Senab...

D. : A tiu Bunitu ! Que cata gambuzinus ora si ? hahahahaha

T B. : Anton pide-l a l’angeñeiru que diç que sabe de las antenas ! Scallar sabe tantu que lus truônus qu'oube an Sant’Amaru son mas yê las miês cañonas quandu se peidan !

D. : Hay ! Callai-vos tiu Bunitu que ya me cagu cu’la riźa !

A final la storia nu’l diç, mas Oscar yê pur anquantu l’unicu an Cicuiru que pude vé la Maria Casado nals fins de sumana na TVE1...

Ala, ide a revuôlcus pu l'aire vos tamiên a vé s'achais ũa vos tamiên... ũa ondia de la TDT cralu !

Chamadeirus virtuales !

2010-12-01T17:14:00.000Z

Anfelizmiênte inda hoije, meźmu cun cicuiranus que traballan na cambra de Miranda, anté cul perźidiênte de la cambra, al nuôssu chamadeiru Cicuiru, al nome dal nuôssu llugar inda solu se scribe de maneira virtual.

Naide lu scribe nals papeles, niên nal billete d’eidentidade aparéce ! Apénas se queda na boca d’alguns... Que vou you a dezir... que naide s'amporta y que sol'hai talamoucus naqueste mundu... buônu, sta screbidu sta dezidu...

Assi vengu pra vus dal l'ambora qu’hai un grupu de Cicuiru, ala mas un, nal Facebook. Venga ! Ide alla que yê eiqui.

Dals trabancs sal un silbeiral

2010-11-22T22:54:00.000Z

Ũas vigas cayidas, mas als murs inda biên rijs, dende se vei’l ciêlu azul. Mas quandu se pon scuru anton d’eilli sal un ramu de silba. Medra nals trabancs y prontu se torna nun silbeiral.

Trabancs nun llugar nun yê buôna seiña. Aquestes, tals cume als talabancs yê pa’la Trabanqueira que tenen que star trancads. Biên sei qu’hai un sitiu que se chama Trabanca, mas ende yê Cicuiru ; tiêrra d’auga, siên talamoucs ?

Un mirandés an Camin de Cantares na TPA

2010-11-08T13:26:00.000Z

Pur fin chegou’l tiêmpu an que lus mirandéźes ya son antervistadus pur sturianus ! Ya eiqui sta la purmeira parte de las repurtaiges que fizu Xosé Ambas pur Miranda. Dende querie agradecer lu pu’l traballu que ten feitu anté hoije. You çcubrie al sturianu culs sous purgramas, çcubrie la fala de lus vaqueirus que nun yê assi tan loinge de la nuôssa eiqui na Raya. Gustou-me anté hoije de daprender tode lus fins de sumanas cume ye que se fala al sturianu an llugares tan perdidus mas tan guapus cume Las Murias, Corporales ou Val.lau (Vatsau).

Hoije vendu al purgrama que se fizu speru que lus sturianus tamiên puderen ver cume son aende las couźas de la muźica y de cume yê que falamus. Hai trés añus passadus ya, quandu cumecei a screbir, you nun sabie nada de las Sturias y poucu de Llion. Mas poucu a poucu veyu lus llaçus antre nos a medrar. Adonde issu mus llebera, nun lu sei, mas de buônu solu puôde ser ! Francamiênte yê'l de que you suñaba. Purque sabeis, falar mirandés cun purtuéźes nun da, nun sal biên. Meźmu s'eilles fazen un sfuôrçu pra s'antersaran an nos, you anté veyu aquissu cume un tiêmpu de moda. Yê solu pur un tiêmpu. Mas cun Asturias... solu sta a ampeçar agora !!!

Ala ala ! Mas tantu palrar cume stou agora a fazer... quei ? Mirai y scuitai mas yê !

Quiên merca lus purdutus tradicionales ?

2010-10-31T11:55:00.000Z

Onte a la nuite fui m’a mercar uns bollus bascus ende an Burdeus y al passar n’ũa panaderia vie als précius d’alguns bollus ou mellor dezir de galletas à dous ourus y poucu l’ounidade. Cume yê qu’ũa galleta pudera custar aquesse préciu ?

Eiźemplus assi hai muitus y las feiras dezidas “tradicionales” ourganizadas pu’las cambras an tiêmpus de broça stan chenas daquesta giênte que nun ten miêdu de chubir a mas lus précius. Purque an fin aquissu so yê méźmu pa’lus turistas. Y cume eilles so eiran mercar ũa veç, butaren-se a dezir que pur ũa veç siêmpre se puôde mercar ũa llata de castañas ou un frascu de çreijas à cincu ou seis ourus. Pus dende digu-vus you que si hai biên giênte que s’apurbeita...

Mas y anton quiên merca aquestas couźas an Miranda ? Lus Zamuranus ! Y falandu de Zamora, nun yê que you onte tamiên achei eiqui queiju d’alla ! Si home, 21 ourus al kilu ! Y tenie alla screbidu « Zamorano Cheese »… dende a tener-mus eiqui queiju mirandés falta poucu, mas a este préciu que s’afoden que you nun l’hei de mercar !

Al tradicional yê caru, mas debie de sé al mas baratu... assi sta’l mundu an qu’andamus...

Dende Alcañiças nals añus 20 !

2010-10-04T11:06:00.011+01:00

Ende teneis dalguns retratus d'Alcañiças sacadus nals añus 20-30 dal passadu séclu. Aquestes retratus puderiên eilustrar biên la nubéla Miranda dal llibru dal PAdre Zé La Mona'l Mayu que cun certéza se passarie mas ou menus n'aquesse tiêmpu. Achei lus d'un culeicionador spañolu que ten muitus retratus d'Aliste et Zamora toda. MIRANDA [...] Ya d'outra feita habie oubidu amentar na "repartiçon de Miranda" adonde se falaba grabe ou fidalgu, al cuntrairu de la nuôssa fala mas a modu y pur essu me parecie mas natural !

-Gustaba de ver a Miranda ! Dizen que yê cidade ! Aposque yê guapa !... -Niên pur essu ! Si, ũa cidade, assi mas ou menus, atallou miu tiu : -Tu ya viste la bila spañola d'Alcañiças ? -Vie, al die de lus tourus. Ten ũa praça al meyu y ũas caźas altas cun barandas y un jardinicu a l'entrada. -Pus pur ende ya sacas ũ'eideya ! Miranda niên chega al rastru d'Alcañiças. -Alcañiças val muitu mas, acrecentou mie tie. Ten muliênda, quemercius i letecidade de nuite. [...] Ora you cuinecie, cume dixe, a Alcañiças. Truxe d'alla muitus jurnales cun figuras que spetei na cabeceira de la cama. Truxe tapones feitus a maquina i llatas screbidas, llatas de scabeche i pelotas de caramelus atadas nun eilasticu ! Mas de Miranda... ya viênu d'algũa couźa buôna ? [...] Miranda no! Cumu puderie ser guapa ũa cidade cun mil habitantes d'adonde mus chega todu estu ? D'Alcañiças, al menus, pr'alla de tapones y albarcas, de cacharrus y caramelus, chega-mus algu de buônu! Las panas de cuntrabandu, pur eiźemplu, trocadas pur farrapus. [...] De Miranda... quei ? Un die chegou a la puorta de la scuôla un fidalgote mui angurbatadu, a cavallu, n'ũa potra. Nos jugabamus a la seguriêlla cu'ls piones. El siên s'abeixar preguntou : -Por favor dizia-me onde fica a casa tal ? Matracas, mui lampeiru, siên perder la llaçada arrespundiu aceñandu : -par'ende ! -Obrigado! Você anda aqui na escola ? -Andu ! -Na quarta classe? -Si. E jà encontrou alguma vez nos livros de leitura : "par'ende" ? [...]

La lliênda'l llagu la Senabria

2010-10-02T09:39:00.003+01:00

Fui-me cuntada trasdonte la lliênda'l llagu la Senabria pur ũa cicuirana. An Cicuiru cuntaba-se tamiên aquessa storia anque naide dezie que yêra la lliênda'l llagu. Mas falaba-se d'un llugar y qu'un die chegou alla un probe, mas cume yêra magicu mandou afundi-lu de baixu d'auga, fazendu assi un llagu. Dal puntu de vista eitnograficu yê mui antersante saber qu' ũa lliênda senabréźa yêra tamiên cuntada pur mirandéźes. Nun se sabe biên cume venen essas storias, niên’l caminu que lleborun anté hoije. Mas stan ende y hai que cuntinar a cunta-las.

Assi pudeis ler la lliênda tal cume me fui cuntada eiqui, y ya ende vus deixu la lliênda cuntada an senabrés, outra variante de la nuôssa lliêngua.

N.B : An sanabrés lus verbus dal passadu an –run passan a ser an –nen, cume passonen, puninen,... Aquessa forma tamiên yê mui parcida c’ũa forma antigua dal sandinés que fazie –nun. Un aburton an senabrés yê l'ultimu panicu que se puôde cuzer cul que sobra de massa.

Cicouro nun arrespeita Cicuiru !

2010-09-19T11:57:00.005+01:00

Nada mellor que neste fin de sumana pra falar d’issu ; ya que na sesta fui’l die la lliêngua. Al purblema yê que la nuôssa tuponimie nun yê arrespeitada pul Stadu Purtués, niên al sou reperźentante an Miranda; la cambra.

Dende hai que fazé dalgu, ounir-se, y turnar a alleventar lus nuôssu chamadeirus todus. Tamiên nun yê nada nurmal que lus llugares que stan nals camins pra Miranda tenen lus nomes an mirandés y lus outrus no ! Yê aspetu mui verguñoźu de tratar la lliêngua cume se fusse un aparatu turisticu, siên outru sentidu. Ya vai quaisque un añu que la cambra de Miranda ten nuôvu duôñu, mas niên pur issu aquessa situaçon cambiou. Dende vei-se biên que PS ou PSD yê eigual...

Quandu Cicouro nun arrespeita Cicuiru, yê'l que se passa...

Mas nal que parece la cambra ya se ten antersadu an mas assuntus lliênguisticus que quandu staba l’outru duôñu alla. Mas niên son couźas que cheguen, purque lus ancuôntrus culturales (bloggers, die la lliêngua, spuziçones,...) son einiciativas puntuales, d’ũa jeira, que duran un curtiu tiêmpu y acaban-se. Son cume aquessas burburetas que viven un die y muôrren-se... y mañana ? Mañana habera mas ? Yê cunforme...

Anton pur issu hai que fazer açones que duran, añus, y dezénas d’añus. Ũa dessas açones yê’l respeitu de la nuôssa tuponimie, als nuôsses chamadeirs. La cambra nun puôde deixar que solu haba mirandés nas partes turisticas dal Prainu. Qu’issu da mui mala oupeñon de la nuôssa lliêngua, a lus que la falan.

Muitus de lus nuôssus pais nacirun cul Salazariźmu-Franquiźmu y anton daprendirun a nun respeitar la nuôssa lliêngua de mil añus. Dende fai qu’hai ũa generaçon que nun yê capaç d’aceitar que vuôlvamus als nuôssus nomes dals nuôssus llugares ya niên a la nuôssa lliêngua.

Mas pra lus nuôssus abos, lus buôlus cume se dezie d'antañu. La couźa yê defrente purque eilles siêmpre vevirun cul mirandés, y cun nada mas. Par’eilles Cicuiru siêmpre fui Cicuiru, Samartinu siêmpre fui Samartinu y la Pruôba nunca fui a Povoa…

Assi qu'arrespeitandu la lliêngua, lus nuôssus nomes y lus nuôssus llugares, tamiên arrespeitamus lus nuôssus abos. Y nun hai mellor perźente que puôdamus fazé a la nuôssa giênte. Dende nun falu de gaña deñeiru cun muitu petroliu, mas de tené diñidade cu’la nuôssa cultura.

Y acabu pur vus deixar eiqui un reclame dal Gubiêrnu Sturianu suôbre’l respeitu dals chamadeirus :

BUONAS TARDES cun Amadeu Ferreira ne la SIC

2010-09-16T21:46:00.003+01:00

Buônas tardes ! Yêra purreiru de ver aquissu screbidu an mirandés nun canal purtués. Fui Amadeu Ferreira que mus dou'l praźer de fala de la nuôssa lliêngua.

Cume pudeis ver, al diañu la tie fala biên l mirandés y anté fai sfuôrçus pra falar cume debe ser ! Mas Amadeu dixu dues couźas mui ampurtantes naquesse purgrama : - O mirandês é leones. -E um dever civico de dar a conhecer o mirandês. Mañana yê'l die de la lliêngua, alla an Miranda. Ide alla, spéru que vai a ver muita giênte.

L’arrepicador de la fiêsta

2010-09-14T22:44:00.001+01:00

L'arrepicador

Astañu tubimus un arrepicador de demoñu qu’anté fizu dar vuôltas a la campana. Al campanairu perdiu’l badallu de tanta chacullada de lloucura... y l’arrepicador tubu que s’ir alla riba la capiêlla pra cumpuner al tal chamadeiru. Y dende lu sacai’l retratu !

Un die de mil añus !

2010-09-13T22:19:00.003+01:00

Die 17 de stembru vamus a tené’l die de la lliêngua mirandéźa. Vai a sé purreiru, hai ũa receçon na cambra de Miranda. Nun percebie se toda la giênte puôde alla antrar, mas que buônu ! Dende’l purgrama :

Pa’l Naźu !

2010-09-12T22:49:00.002+01:00

Eilustraçon dal "Dialecto Mirandez"

-Aton, siêmpre se vai al Naźu.

-Inda stamus a ver. Y tu ?

-Para dezir la verdade, tamiên inda nun sei. Bé-lu ende que si, ou bé-lu ende que no !

-Mas a la feira vas ?

-Peciźaba d’ir, peciźaba, mas cume nun tengu nada para vender, niên deñeiru para mercar, quedaremus assi ! Se no repara :

Die seis yê feira de lus burrus (claru, cun tu licença). Die siête, la de las bacas. Die uitu, de la giênte. Agora cume faltan las patacas !..

-Aton vai no die seis !

-No, que nun tengu alla pariêntes desses. Eirei, se fur, al die uitu; talveç ind’ache quiên me deya ũa puôsta de bitéla y, c’uns copus d’eiqui y d’eilli, ya nun cuorre mal !

-Nesse cauźu, ha ! Home, fazemus suciadade y vamus juntus.

-Aton vamus !

Sacadu de "La Mona l Maio" (La Mona'l Mayu) y screbidu cume a mi me gusta.

Las lliêndas de la tiêrra dals Gorrs

2010-09-05T16:34:00.003+01:00

Lus Gorrus yêra assi que mus chamaban, a nos, lus de Cicuiru. Y assi yê que chamu agora la nuôva paigina deste cadernu Lliêndas de la tiêrra dals Gorrs, assi cun purnuncia samartineira, purque tamiên habera cuôntas d’alla, cume no...

Ũa puôrta magica

Son cuôntas que me cuntorun, cuôntas que s’houbiên nus seranus de la Raya y que you houbie pur la purmeira veç hai poucu tiêmpu. Son cuôntas magicas, cun mouras ancantadas, ancantus y probes que nun son assi tan probes…

Al cadernu abre agora outra paigina, supongu que mas veneren pra tratar d’outras cumbersas. Pudeis anton atopar la dezida couźa ende arriba a la dreita, ou eiqui.

La maldicion de la Peiña’l Mouru

2010-09-03T18:14:00.005+01:00

S’outru die antrei you na caźa’l pobu de Cicuiru, inda cun delores de cabéça que quaisque niên vie y dixe :

You : -Eiqui queda un aviźu a quiên quejir turnar a splurar la peiña’l Mouru de Cicuiru…. NUN VAYADES ! Que s’un de vos turnar, hai alla ũa maldicion que mus vai a puné todus a padecer dal miyollu !

Dalfin : -Bah ! Padeces ! La Peiña’l Mouru inda fui you alla a tumar ũas cerbeijas cun l’abuelo…

Y : -Coñu aquessa peiña yê un bar d’agora de las fiêstas de Furniêllus home ! You falu-te d’ũa peiña de piêdra, cume Peiña Llastra !!!

D : - Si, si buôna llastra stas tu… carallu cume te pones… nun sabes falar cume gente !

Xurdiu ũa voç dal fundu : Aqueste inda nun lu llebestes a la peiña la moura ora no ?

Arrespundiu outra : No, aca pra mie, esse ten peciźu... qu’inda nun purbou... llebai-lu !

Y : - Ala, Ala ! Callai-vus que vus quiêru dezir dalgu carallu !

Y : -S’outru die furun-se alla lus nuôssus grandes spluradores Cicuiranus Tiégui (si you claru…), Oscar y Eiloi. Mas cume Eiloi staba cume muitu miêdu d’antrar, cuitadu yê nubicu, y quaisque se burraba todu, que’l deixemus n’entrada la peiña. Anton antrei you, y antrou Oscar... y açpuis nun sei cume carallu fui... andubimus a respirar uns cheiretes que parecie cuchambre la ostia ! Nun sei se nun serie l’Oscar que s’habie burradu cul carallu de la fabada sturiana y que se mistirou tudu cu l’aire abafadu de la sullapa essa... Mas home ! Quedemus boubus, si home, tunticus pur cumplétu... Quei ? nun aquerditais... mirai eiqui anton.....

Dalfin : - Hui ! Cume se ponen estes ! Derraman-se.... Nun hai heipoteç...

Dende las fiêstas d’Alcañiças !

2010-09-02T21:15:00.005+01:00

Ay ! Las fiêstas d’Alcañiças… cume siêmpre, uns callus (mal llabadus que son mas gustoźus) y mas pinchus, ũa cerveija y ũa cidra achada d'adregu nu “Maria y Manolo”. Uns amiyus, Oscar, Herbertu, Nandu, Alcinu, Dalfin... mira-tu que tropa ! Viva la ramboya ! Issu yê que yê joldia !

Antre Salsa y Rock an Alcañiças

Miranda ? Ha, no... p’alli so fumus a vé’l fuôgu, y açpuis llougu scapémus qu’eilli nun cuinecemus a naide ! Y pra quei quandu tenemus bares donde cumer y buer, discutécas y moças mui mui guapas al pie de caźa. Si al pie caźa qu’a las vezes anté vamus alla de chaçu... se nun yê d'apie !

Al touru de fuôgu

Las ultimas çreijas de Cicuiru

2010-08-29T14:05:00.001+01:00

Çreijas burmeillas y brancas

Aquestas çreijas funun las que you purbei astañu de las de Cicuiru. Aposte que ya seriên las ultimas. A mie quiên me las dou fui tie Purficação que las tenie nu frigurificu. Diç qu'astañu llougu apañonun bichu, a mode d'un cocu que se criou an tod'las çreijeiras y assi qu'acabou cul fruitu an poucus diês.

D'aquessas, de las brancas tamiên tenemus. Dizen lus viêllus que d'antañu so las habie eiqui, assi de brancas. Aquissu tamiên sera cume las belancigas, que las hai de las burmeillas y de las amariêllas !

Un llibru cicuiranu a la venda

2010-08-27T21:00:00.002+01:00

Al llibricu cicuiranu

La mona’l Mayu (La mona l Maio) ya sta çpunible a la venda pra quiên lu quejir mercar alla ne la caźa’l pobu de Cicuiru pul préciu de 10 ourus. Y claru tamiên lu pudeis mercar an qualquiêra buôna llibrerie de Miranda.

Referencia : La Mona L Maio, José Francisco João Fernandes, Ancora éditora, ISBN 978-972-780-287-6