07/03/21

Al Llionés, capitlu 1

 Al Llionés yê un mañuçu de 11 eipizodius que fala de la nuôssa lliêngua; al sou stadu atual, lus studus, la storia lliteraria, ou lus chamadeirus antre outras couźas. Cada eipizodiu yê, la meyor parte dal tiêmpu, feitu an vuôlta d'ũa cunversa cun ambestigadores, que son grandes personalidades atuales dal Llionés, y dalguns ya passorun pur Cicuiru !

Eiqui vus deixu al capitlu 1



24/06/20

A la purmañana de San Juan


A la purmañana de San Juan, cuntorun-me ũa véç, qu'an Cicuiru las tiês iban d'antes a las siête fuôntes dal llugar. A la purmañana, cu l'urvalleira, iban a cullir l'auga las fuôntes. Ũa pouquechica de cada, ya açpuis misturadas. La receita assi purparada tenie malzina para qualquiêr mal.

29/05/20

Cursu pu l'Anternéta de llengua Mirandéźa

Diê 2 de Juñu ou séya d'eiqui a uns poucus diês ancuméça un cursu de la nuôssa llengua de nible A1 anté A2. Sera to'las terças pu'l seranu a las 9 la nuite. Apuntai-vus mandandu un email para : lhengua@gmx.com

Durara anté'l diê 21 de Jullu. Apurveitai aquessa oupurtunidade ounica de daprender a falar a la nuôssa moda !

09/05/20

Un die, un filme : Ua vuôlta cun tiu Lérias

Eiqui vus deixu lus dous ultimus filmes de tiu Lérias onde él aparéce na RTP an Marciu y Abril de 1984. Gustu muitu d'aquesses dous filmes, nu pu'la maneira an que furun feitus; c'ũa antervista mui ruin. Mas pu'la perźencia de tiu Lérias que me recorda muitu a miu abo de Cicuiru. Gustu de ver aqueilla cuzina onde él yê antervistadu, son meźmu cuzinas cume you las vi de ninu ! Al scañu, eigualicu cume'l que teniên lus mius abos de Cicuiru.


Retratu de tiu Lérias achadu nu "Froles Mirandésas"



Naquesses dous filmes, tiu Lérias canta-mus dues cantigas antersantes, ũa yê La Viturina y la outra A Liberdade dos Presos. Y son antersantes purque él canta purmeira la Viturina an purtués y açpuis a'l splica la llétra da-la an mirandés ! L'outra cantiga yê méźmu an purtués mas ya assi pudémus pensar que tamiên hai llétra an mirandés. Y you ancontru-la mi guapa !

Nun sei se las obras de tiu Lérias furun cunserbadas, se las sues gravaçones stan biên guardadicas, mas spéru que si, que yê todu un teźouru pra nos, ya la RTP mus ansinu ende un poucu d'issu.

Lus filmes stan eiqui y eiqui.

 





01/05/20

Un die, un filme : Tiu Lérias na RTP


Ya que ficamus to'l diê an caźa sin dar ũa jeitoria vamus a ampeçar a revistar to'lus filmes qu'hai nus arquivus de la RTP y que falan de nos y de la nuôssa lliêngua. Hai dalguns, pur issu, se nun lus cuineceis, vou-vus eiqui a puner-vus-lus todus. Mas un de cada diê, nun sei a que vus fiqueis pegadus a la pantalla !

Eiqui vamus cu'la purmeira véç an que tiu Lérias de Paradéla aparciu na tervizon, fui an 1973. Açpuis inda aparciu duês vezicas mas, mas la filmaige nun yê de tan buôna calidade y lus que fazirun l'antervista teniên pouca paçencia. Mas nun yê'l caźu dal qu'eiqui vus ansinu. Y sabeis purquei ? Purque fui feitu pu'l grand Giacometti, un francés corsu que veviu an Purtual y que s'antersou muitissimu pur nos.

Eiqui vai...

https://arquivos.rtp.pt/conteudos/francisco-domingues-ou-o-xico-bioleiro/