Quandu you stube nu Portu y ampecei aquesse blog, que ya fui ya an 2007, iba a ũa llibrarie chamada "Sousa e Almeida". Al quemerciu éra cuidadu pur un tiu y ũa tie que ya nun éran mui nuôvus!
Tenie alla de todu, ou mellor dezir, un poucu de todu: d'eiletronica a Storia passandu pur eitenografie ou anté guiyas turisticus d'arte prestorica de la peninsula. Y habie mas so que you nun m'antersaba pu'l restu. Mas habie eilli an vuôlta de 20000 llibrus!
Retratu sacadu de l'Anternéta - Time out Porto - facebook
Maginai vos, cun tantu llibru tamiên tenariên subre Miranda! Conchu, pus si teniên!
Ũa véç atupei alla'l llibru dal Padre Mourinho; Nuôssa Alma i Nuôssa Tiêrra pur solu 12 ourus. Y sabeis al quei? Nu'l merquei... Nu'l merquei purque lu cuinecie you biên. Tamiên staba na bibliotéca de la faculdade de llétras y quandu you lu querie ver iba-me alla.
Mas agora que stou loinge d'issu todu quiêru esse llibru y ya nu'l ancontru!
Y la llibrarie? Pus ya cerrou! Tubirun que cerrar purque'l duôñu de l'imoble vendiu aquillu todu para custruir un outel. Aquissu fui an 2017. You solu m'apurcatei onte purque habie achadu ũa fatura de las miês mercancias de un die qu'habie idu alla an 2013. Ũa fatura assi feita a la moda antiga. Y açpuis ampecei a buscar n'Anternet y achei varius jurnales a splica'l caźu y anté ũa repurtaige de la RTP qu'eiqui vus deixu. Al tiu de la llibrarie ya tenie 89 añus quandu tubu que deixar todu! Y to'lus diês, inda cun aqueilla eidade, seguie cuidadu'l sou quemerciu y arrecadandu lus sous 20000 llibrus!
.JPG)
.JPG)
.JPG)
.JPG)
.JPG)
3 comentários:
Oulá!
Yá un par d'anhos stou çcunetado de ls blogues mirandeses. Mas beio que aquesse stá a atualizar-se anté hoije, inda que nun haia cumentairos. Bien háiades!
Yá quantá nun publico nada an mirandés, ne l Froles Mirandesas nien ne L Goyta Mirandés.
Saudaçones! Ye un gusto screbir an mirandés outra beç.
Oh rapaç! Que tal pur ende? Si you ya scribu tamiên poucu, mas sigu cuntinandu. Las vidas mudan, tocan-mus d'outras respunsablidades y açpuis vai-se passandu'l tiêmpu. Y açpuis sabes, tamiên las redes suciales acaborun cu'lus blogues, mas ya vou fartu dessas çringonças y ye tiêmpu de turnar a puner couźas ende. Stou cuntentu de ver que passes-te pur'qui.
Oh rapaç! Que tal pur ende? Si you ya scribu tamiên poucu, mas sigu cuntinandu. Las vidas mudan, tocan-mus d'outras respunsablidades y açpuis vai-se passandu'l tiêmpu. Y açpuis sabes, tamiên las redes suciales acaborun cu'lus blogues, mas ya vou fartu dessas çringonças y ye tiêmpu de turnar a puner couźas ende. Stou cuntentu de ver que passes-te pur'qui.
Enviar um comentário