02/09/09

Siên cidra a la selombra la maçaneira...

Tanta fruita que se straga pur aquestes tiêmpus an Cicuiru. Las maçanas y las péras qu’apudrecen pul chanu, yê ancrible ! Bon, inda lus hai que cun maçanas fazen aquiellu qu’eilles van chamandu « cumpota ». Nada ruin, anté yê biên buônu pur esses tiêmpus inda caliêntotes al salir dal frigorificu.
Un carru a la selombra la maçaneira...
Mas quei ? Nun se puôde fazer mas nada daquesta fruita toda ? Y que tal de fazer cidra ? Yê péna que naide s’antresse pur issu. Y quiên diç Cicuiru, diç l restu dal Prainu. Ala coñu ! Vamus todus arrecuperar las maçanas y fazer cidra ; cidra rayana ! (Cidra Rayana, la cidra que te sacude l’alma !)
Mas no ! Naide fai nada ! Y las maçanas bichoźas alla s’apudrecen… Pudeis curtar las arbres anton ! Hen ? Quei ? No, diç aquél… Purquei ? Ha ! Fai-te selombra pra puneres alla al carru… Ya assi al cidra tamiên nun te fera mui biên pra seguires al caminu !

6 comentários:

Ana disse...

Buonas nuites, Thierry,

Quando andei pula Normandie (dieç anhos!) adonde se faç i se bebe bastante cidra, parece-me que oubi dezir que nien todas las bariedades de maçanas sierben para fazer cidra ou talbeç buona cidra...
Mas hai outras bebidas que se puoden fazer cun qualquiera bariedade, doce ou menos doce: son ls sumos que puoden ser feitos até cun bariedades defrentes, l que le dá até un sabor special. Digo-te esto porque bibo agora nua region mais caliente de França adonde hai bastantes pomares assi i todo i adonde se faç tamien sumos de maçanas...

Sien falar de muitas outras receitas que se puoden fazer cun maçanas ampeçando culas tradecionales maçanas assadas ne l forno que ye qualquiera cousa bien fácele de fazer, nun achas ?

Só que la maçana a mi, para dezir la berdade, yá me cheira a Outono i a Eibierno...!
Antes inda tenemos ls figos i tamien las ubas cumo las que bi hoije quando iba pal trabalho de carro... i cun eilhas ls purmeiros bindimadores.

Un abraço.

Tiégui disse...

An Cicuiru inda nun se sta pa la bendima, mas an Burdeus ya debe star mas ou menus nal tiêmpu.
Cu'las maçanas tamiên se puôdan fazer buônes çumes, an Euskadi fazen muitu assi y you gustu :)

Mas you digu mas issu purque an Cicuiru stragan-se todas y nun hai quiên'l bota la manu :(

Ana disse...

Biba outra beç, Tiegui,

I eimagina tu que hai ne l Praino (An Sendin, sei quien faç esso) quien deia até maçanas (Las mais pequeinhas que l mais de la giente nun ten la paciéncia de outelizar para outra cousa) para angordar ls cochinos ! Claro que la chicha depuis ye só quemer i chorar por mais !

Mas talbeç un die haba pessonas que sában balorizar essa chicha inda mais que l que se ten feito até agora nun solo dun punto de bista gastronómico cumo tamien comercial…

Ye solo ua eideia !
Tamien ténen que serbir para purparar nuobos futuros estes nuossos sites an mirandés.

Un abraço.

Tiégui disse...

An Cicuiru tamiên debe d'haber quiên'l faga. Mas a mie lembra-se-me mas que'l dabamus batatas y verduras. Al sacar de la caldeira you anté speñicaba alla uas bataticas. Yêran buonas assi naturales.
Açpuis pelaba you la mie batatica y miraba pals cuchines a çufar na pila !

Miu abo tamiên butaba maçanas nu vinu. Mas yêra ua maçana special, ya nun sei qual.

Un abraçu

Ana disse...

Biba Thierry !

Anton cun essas pataticas que comiste quando eras pequeinho que sabien tan bien cumo cuntas anque fazíssen parte de ls «manjares» çtinados als cochinos, se calha yá stás bacinado naturalmente contra essa tal gripe H1N1 de que tanto se fala neste momento... gripe suína cumo dízen tamien…
Ye de sperar que si ! Milagre santo ?

Un abraço

Tiégui disse...

Si si y bien Santu ! Hui la ostia ya me pudiên meter a mi de Papa ! Que de certeza sou mas Santu qu'él...

Cuitadus lus médicus you biên darie uas guticas dal miu sangre mas açpuis inda van achar alla outras merdas qu'inda ye mellor qu'assi se quedan !