07/09/11

Aita Mari, 30 añus açpuis

Tenémus an caźa un cinzeiru que me dixu mie mai qu’habie sidu miu abo que lu truxu de Spaña. Mirei biên’l cinzeiru, ten alla’l zeiñu d’un arcu y atras l’arcu ten l’antrada d’un restaurante chamadu Aita Mari. Mie mai habie-me splicadu que miu abo Manuel, tiu Manolu, habie passadu pur’eilli, an San Sebastian.
Aita Mari, you ya sabie’l que querie dezir ; Aita yê Pai y Mari yê Mai an Bascu. Mari tamiên yê’l nome de la diuźa Basca que cume se diç pur’aqueillas tiêrras que criyu’l mundu.

Quandu stube de vacanças fui-me pra Donosti, San Sebastian an Bascu. Pur alla andaba y fui-me a tumar un checulate cun churrus. Al salir d’eilli dei-me decuônta que staba na ruga puerto, y que la ruga essa iba anté’l portu alla baixu donde stan lus barcus.

 You an frente de l'Aita Mari

Y pur adregu, qui’que m’aparéce a la squiêrda, al tal bar Aita Mari. Y eilli staba l’arcu que de verdade yêra ũa puôrta d’antrada de la cidade; dal portu paradrentu. Quedei-me assi meyu paźmadu, açpuis surri y antrei alla drentu. Habie pinchus nal balcon, a la squiêrda. A la dreita ũas meźas cun gente y an frente ũas scaleiras qu’iban par’ũa sala de jantar.
Pedi uns pinchus y ampecei a falar cu’l que staba al balcon y daprendi anton que’l bar ya tenie mas de 70 añus y qu’habie passadu ya pur las manus de varius duôñus y que lus d’agora ya uns 6 añus qu’alla staban. Curtiu tiêmpu pensei you, miu abo passou eilli hai uns 30 añus. Perguntei anton pu’l tal cinzeiru y... : Hombre si ! El cenizero, unos antiguos proprietarios del bar ofrecien esso a los clientes... Yo ya he visto unos asi... Nosotros no damos cenizeros, pero el bar es el de siempre, el Aita Mari de toda la vida, sabes... Ya agora nun habie duvidas, si habie passadu pur donde miu abo habie scalladu tomadu un café ou quemidu uns pinchus !

2 comentários:

Jesusito disse...

home, que coses!! Llegame munchu esti post porque parte de la mio familia ye d'esa zona del Pais Vascu, de Zumaia, el pueblu próximu a Donosti onde nació Aita Mari. Aita Mari (padre Mari, Mari del so nome Jose Maria), foi un heroe en Donosti y Zumaia. Yera un marineru que morriera nun naufraxu, afogáu pol cansanciu depués de salvar la vida a dellos compañeros. La so historia ta cuntada (en vascu) nun monumentu que ta mui cerca del restaurant, nel puertu, y tien tamién una pequena estatua nel so pueblu de nacencia. Como presta ver que se-y conoz na Miranda!!

Tiégui disse...

Si :) Ya sei donde sta'l monumentu an que mus falas. Sta llougu antes dal Aquariu. Mas cume sta screbidu an Bascu pus you nun antendi nada. Agora ya sei la storia toda.
Oubrigadu pur mus l'haberes cuntadu eiqui !