Nal tiempo dal comunitarismo

Nal tiempo dal comunitarismo an que quaise tode los pobos éran pequeiñas eidentidades outonomas, nesse tiempo habie al poste de la P.F.C, la policia fiscal Cicuirana. An Tras-los-Montes siempre ouve comunitarismo porque éra nesario para la suôbre vivença de las pessonas. Dal comunitarismo hoije ya so queda ruinas y ua lliêngua al Mirandês. Purque yê dessa maneira de vevir que se cunservou, nal praino, al lleonês, la lliêngua de los reis de la recunquista.

Dal comunitarismo ya nun queda nada, solo alguas ruinas, de la frauga (1936) y dal fuôrno a amasar (1736), donde inda vie mie 'bô y mie maie ha fazer fugaças y fulares.

La cunta dal gallo

Yê un gallo, que nun se sabe porquei, mas ele fui-se pala frunteira a poner 'l'uôvo. Eilli pa la Candena. Al uôvo cai...so que cai eisatamiente ne la liña de la frunteira, o seia ua metade dal llado Spañolo y outra metade dal llado Purtuês.

Agora pergunto you, que nacionalide ten 'l'uôvo ? Al que m'arrespondeis-vos ?

"In die Sancti Joanis": al die de Cicuiro !

Hey !!!

Sabeis que die yê hoije ? Han ? Si yê 'l die de San Juan, ou seia al die de Cicuiro ! Pus si, al santo proteitor de Cicuiro yê San Juan ! Mas sabes porquei ? Porque d'antes esse pobo se chamava Sancti Joanis y éra coñecido por ser ua quinta donde dizen que se fazie un cuiro de mui buôna qualidade e qual tiu que tratava disso chamava-se Cia. Han ?





Si tenes rezon Cia que fai Cuiro, culs anhos acabou pur ser Cicuiro ! Isso ya nos llevara un die ha falar de las ouriges de Cicuiro. Essa storia, yê la pupular, you tengo outra, y ya vos la cuntarei outro die...


Agora, mando un beijico ha mie mai que fai anhes hoije, y bou-me pal camarote !

Pulos caminos Cicuiranos

Andar pur un camino de Cicuiro yê cum morder nun cachico de chocolate, pouco a pouco derite anté venir outro. Outro cun supresas, chougarços y cardos frolidos, perros de pastores, ua perdriç...

Esses caminos donde d'antes dezien que passavan gallegos an buôsca de traballo, caretadas de yerba, de centeno, de palla...

Dizen que tamien passavan pur ende Alistanos. Eilles iban pra Cicuiro cun farapos que alla tracavan contra quemida ; pan, presunto, batatas, fumeiro...

Uns iban de burro outros a pie, mas todos pulos mesmos caminos...

Outros iban cun las vacas dua tierra pa l'outra !

Habie un tiempo an que los romanos passavan por eiqui, la via romana de Cicuiro...

Las piedras uas an riba de las outras fazen un muro, las flores al pie ya fazen un mundo !

Al vuôlver a Cicuiro, eiqui stavan eillas, sin se mexer, quiêtas ne la chuba fuôrte que arregava los suôcos dessa tierra.

Y por esses caminos abaixo hai muntones de flores, dal prado pa riba...

Ele chama-se "Cicouro" !

Bien sabeis cum todos nos, Cicuiranos, gostamos de vestir aqueillas camisolas que nos fizo al nuôsso amigo Nando. Essas camisolas ya bien vezicas las vestie eiqui nal Porto. Y anton, iba you cun eillas pa la FEUP que yê la faculdade de angeñerie donde stou ha fazer al stagio.

Mas al que me strañaba yê que la giente dal puôlo d'eiletronica so andavan mirando pa la mie camisola donde alla, stava cum vos 'l sabeis, scrito "Cicouro"...

Y la ostia ! So hoije yê que m'apercebie purquei ! Al passar an frente d'un scritorio bie que... hai un purssor que se chama Cicouro !!!

Y agora respondeis vos : -Mas stas bobico de la cabeça ! Tu deves d'andar sei you 'l quei ! Tu...tu deves yê d'andar ha fumar los cardos que tapavan al STOP de la vista, purque ya aquillo sta llimpo !

-You:-No, no, que vos digo que yê verdade...mirai essa foto...

Y se inda nun m'acreditais an 'l que you vos digo anton ide ver eiqui :
http://www.fe.up.pt/si/funcionarios_geral.FormView?P_CODIGO=210235

Mas anton cum yê que puôde ser que un tiu se chame "Cicouro" ?... Isso yê çimples, eisistiu hai tiempos un Abade que se chamava "Abade Cicouro" porque o éra de la nuôssa tierra o anton passou algun tiempo pa l'Abadia.

O outra poçblidade yê que ua pessona de Cicuiro se fui pur Purtual abaixo llebando cun ele al nome dal nuôsso pobo !

MANUEL JOSE FERNANDES CICOURO

Mas y sabeis al quei ? Anté hai un clegio que se chama "Cicouro" !!! Si, si al nuôsso pobo yê al mas grande de todos !!!!!!!!!

Ver: http://www.mogadouro.com/index.phpoption=com_content&task=view&id=126&Itemid=137

Llavemos al Praino y Purtual anteiro !

Onte foi 'l die de la llavaige ! Purtual y al Praino ficoran llimpos...anté quando ? ....... Carallo tira-me las butoras que me stas a metar isso nua miseria !!!

"Que barbaridade !"

Que barbaridade cum dizen los de l'outro llado ! Anton sta alla scrito Costantin y porqu'anton nun sta tamien Cicuiro y Samartino an veç de Cicouro y São Martinho ??? O tod'nua lliêngua o tod'noutra, mas mesclas yê que no !

L'Amazonia Cicuirana !

Dalfin : Eiqui habie un STOP !

Tiêgi : Mira sta a tras desse chougarços !

ADULA ??? Eiqui ven eilla, mas nun tenemos miêdo !

Fai hoije eisatamente dues semanas que la ETA rumpiu al proceço de paç dezindo que tornava a protegir las frunteiras de la grande Ouskadi.

Se you falo disso hoije, yê porque hai alguns meses apareciu ya nun sei an que jornal un artigo que falava dal bioterrorismo y de las poçblidades que ETA usa esse tipo de açon. Al que se falava éra dal Douro que ETA podie outlizar para mandar produtos y merd... qualquieras pul riu abaixo y que anton la purmeira cidade afetada pus serie Miranda !

Nun sei quien screviu isso, mas acho que mira algo de mas essa caixa que da 25 eimages pur segundo !

Para mie, al que you penso yê que ETA nun ten essa fuôrça d'açon y mesmo que la tebiessa nun éra dal sou anteresse de fazer tal cousa.

Mas al que you sei, yê que desde hai 15 dies, hai-los an Ouskadi, que miran a dues vezes antes de salir de casa, y a quatro vezes pur an baixo dal carro antes de chubir nele !

Ua bandeira pra los Mirandeses !

· Al purquei d’ũa bandeira ?

Hoije yê neçairo que los Mirandêses tengan ũa bandeira. Yê neçairo para que los nuôssos fillos nun oulvidan la nuôssa cultura, la nuôssa lliêngua, la nuôssa tierra...Yê neçairo queilles la tenga y que la lliênvan nal coraçón tal cum la bandeira Purtuêsa ! Antón fui assi c’un Cicuirano decediu fazer ũa tal bandeira...
Cuando al strangeiro pide “¿Vosotros teneis una bandera, o nó ?” y al Mirandês, diç que sí la tenemos mustrando la bandeira de la cidade de Miranda, assi nun se puôde fazer ! Sí hai um problema dun lhado o d'outro !


· Ũa bandeira nun segenefica andepandencia !

Un puôvo tener ũa bandeira nun segenefica quel quier l’andepandencia ! La bandeira yê ũa maneira de se eidanteficar, de mustrar pa los oûtros puôvos que nós tamien eisistimos y que querémos defender la nuôssa cultura contra la globalisaçon mundial. Essa globalisaçon fai que hoije cada quinze dies desaparece ũa lliêngua, y quando será la nuôssa vuôlta ?
Nós nun querémos isso. Pus yá haí muito traballo que fui feito an vulta dal mirandês, sendo livros, studos, açociaçones, centros de studos, ansíno n'las scolas... Más cada año que passa fai que la nuôssa lliênguá yê vista pulos más nuôvos cum ũa lliênguá strangeira sín valor, viella, y sín feturo ! Pus nun digo qu’ũa bandeira poderà fazer renascer al amor pul mirandês, más par ajudar, sí, sí vaí ajudar muito...


· Al que segenefica la bandeira eiqui propusta ?

Las cores furan scullidas para llembrar la storia de Miranda : guerra, paç y riqueza. Essas cores ya stan presentes ne la bandeira ouficial de la cidade.

Al vermeillo representa la guerra (la core dal castiello), al branco la paç, y l'amareillo la riqueza, tod'essas cores stan presentes ne la bandeira municipal de Miranda.

Adespuis, furón scullidos dous símblos que destinguan las tierras Mirandêsas sendo la agricultura y los pauliteiros que se son hoije un símblo cultural, furán antes guereiros.
An final, stà scrito an Llatin “Pagus Mirandum” que segenefica paíç maravelloso... yê, orá yê ?


· Cuncluzones.

An final, nun se stá a pedir que séia essa la nuôssa bandeira, mas agora yá sabemos ũa coûsa : que séia essa ou que séia outra, eilla yê neçaira !

Balientes cunservadores dal pasado, atrevidos suldados dal feturo !

Isso acunteciu hai mas de ua semana, mas tenie que deixar algua cousa suôbre isso. Eiqui nal Puôrto fui la Serralves an fiesta. Isso yê ua fiesta que dura 40 horas sin parar ! Un de los artistas a participar nisso fuôran los pauliteiros de Miranda.
Mas naquele die eilles nun iban bestidos cu'los traijes mas si cun roupa mas "tranquila" : calças y camisa. Las rapazas y los pequerricos tamien alla staban y beiloran todos juntos.

Eilles todes juntos bailoran pra Maria Nordman, ua artista Américana que deseñou pr'eilles un jardin bin guapo. Essa artista studa l'interaçon antre los homes y la natureza, y que cousa mas guapa d'haber cunvidado los pauliteiros para dançar eillie.

You pur dezir cierto, nun me fartei d'ouvir aqueilles palos ha batar uns culos outros, y aqueilla gaita ha tocar, no nu'm fartei !



So quando a la nuite, ne la segunda dança de los pauliteiros chega eilli al señor presidiente de Purtual, si ele mesmo; Cavaco ! Açpuis, cum los pauliteiros ya habien cunbinado doran ua carta a Cavaco, i essa carta falaba dal puôlo Ouniversitario de Miranda y pedie a Cavaco haber se puôdie fazer algo pra nos, pra que nun feche al nuôsso puôlo.

You nun sei rapazes...hoije daprendiu-se qual gobierno nun puôde pagar las obras de renovaçon de la caserna de los bombeiros de Miranda. Mas al que sei, yê que pouco tenemos, y nada tenaremos se isso assi vai....Al spital, la ouniversidade, la caserna, ... la giente !!!