21/06/07

Pulos caminos Cicuiranos

Andar pur un camino de Cicuiro yê cum morder nun cachico de chocolate, pouco a pouco derite anté venir outro. Outro cun supresas, chougarços y cardos frolidos, perros de pastores, ua perdriç...
Esses caminos donde d'antes dezien que passavan gallegos an buôsca de traballo, caretadas de yerba, de centeno, de palla...
Dizen que tamien passavan pur ende Alistanos. Eilles iban pra Cicuiro cun farapos que alla tracavan contra quemida ; pan, presunto, batatas, fumeiro...

Uns iban de burro outros a pie, mas todos pulos mesmos caminos...


Outros iban cun las vacas dua tierra pa l'outra !


Habie un tiempo an que los romanos passavan por eiqui, la via romana de Cicuiro...

Las piedras uas an riba de las outras fazen un muro, las flores al pie ya fazen un mundo !


Al vuôlver a Cicuiro, eiqui stavan eillas, sin se mexer, quiêtas ne la chuba fuôrte que arregava los suôcos dessa tierra.




Y por esses caminos abaixo hai muntones de flores, dal prado pa riba...

4 comentários:

Alcides disse...

Segundo diç quiêm inda s'acorda de partir las tiêrras dal facho, la strada romana beniê dal camino mourisco de Costantin, atrabessaba al brabiu de tiu Bara nos Cousses, cruzaba al Facho adreitos a la Lhagonica e chubiê siêmpre a meia Siêrra até la Cruç de la Cándena. Aspuis iba adreitos a Alcañices.
Antón pergunto you: Por acaso essa nun seriê uña de las ramificaçones dal Camino de Pertués para Santiago que cruza al riu Maçanas an San Martin del Predoso?

Tiêgi disse...

Huy, Huy nun sei donde son los Cousses !!!
Mas esse camino yê al que vai de l'eigreija para la llagonica. A mie deziren-me que era essa la via romana.
Inda da pra ver alguas pedricas juntas cum se fussa ua via...

Nun sei...

Alcides disse...

Se estás no depósito dal Cabeço (a las ancruzelladas), birado a Norte tenes la Siêrra, a Nordeste al cabeço de la Lluç e a Noroeste da Cruç de la Cándena.
Los Cousses són las tiêrras a Nordeste: tiêrras aradas e tiêrras de carballhos más allá.
Al camino mourisco bén de la punta de baixo Costantim. Dantes habiê uñas eiras, oije nun sei, fai auns años que nun bou por eilli.

Tiêgi disse...

Ya veio donde yê anton Oubrigado ! Bien eilli agora ya solo hai scuôbas y mas nada, ua floresta de scuôbas !!!