23/06/07

"In die Sancti Joanis": al die de Cicuiro !

Hey !!!

Sabeis que die yê hoije ? Han ? Si yê 'l die de San Juan, ou seia al die de Cicuiro ! Pus si, al santo proteitor de Cicuiro yê San Juan ! Mas sabes porquei ? Porque d'antes esse pobo se chamava Sancti Joanis y éra coñecido por ser ua quinta donde dizen que se fazie un cuiro de mui buôna qualidade e qual tiu que tratava disso chamava-se Cia. Han ?





Si tenes rezon Cia que fai Cuiro, culs anhos acabou pur ser Cicuiro ! Isso ya nos llevara un die ha falar de las ouriges de Cicuiro. Essa storia, yê la pupular, you tengo outra, y ya vos la cuntarei outro die...


Agora, mando un beijico ha mie mai que fai anhes hoije, y bou-me pal camarote !

4 comentários:

Abelhon disse...

Al mardomo de San Juán yê quiên s'antrega de las chabes de l'eigreija, yê respunsable po'la llimpeza e más que todo yê quiên ajuda a missa. Falado d'outra maneira: Yê al Sacristán.
Quando you era um garotico, tenerê por ende uns siête ou uito años, mius pais furam pôstos mardomos d'al Santo e you Sacristán.
Nun gustaba grande cousa de l'ouficio mas teniê que ser.
Al Padre Paulo beniê de Samartino todos los deimingos po'la estrada de macdam (estrenada aberiê por ende um año ou dous) cul sou bolksbague clor de laranja.
A las bezes dexaba-lo quedar parado al piê de casa de tiu Poulino (un diê falarei cume yê q'el me salbou dal chafariç de la pôrta de los burros de tiu Modarra), outras bezes quedaba dal llado de la casa de Tiu Bara.
Aspuis de dar la campanada preguiceira, ala a antrar toda gente!! Homes adelantre e las tiês atrás de la pila de l'auga benta. Uñas de xailes negros, las solteiras de béus d'outos clores. Las más pimponas ampeçabam a bestir saias quaije pul jueillo, botas altas e meias de bidro: que guapas e prouistas eillas se puniên!!! Anté las sedas de las piêrnas saliêm po'las rendas de las meias de la moda.
Mas ancuanto la eigreija se cumpuniê d'almas you iba ajudando al padre a bestir los paramentos na sacstia. Uña túnica branca de llino, mui llarga e cumprida de más pal côrpo dal cura.
Antón, el faziê-le uns follos na cintura e ataba-la cun's curdones brancos de bolretas nas puntas.
E ala: toca a oubir la ladaiña de siêmpre. Mecánica cum'al trator de tiu Xanola e cun l'eigreija toda: AAAMÉÉÉMMMM.
You iba mirando para baixo, quaije nun biê nada, só biê los da miê eidade na pormeira fila e aspuis al Regedor e los homes más respeitados dal pobo.
De las tiês (alguñas) solo oubiê "Santa Maria ... ... Santa Maria ... Amém".
A las bezes arramaba más auga no cáliç do q'aqueilla q'el queriê: al bino bebiêlo todico e d'auga só botaba uña caçolica!!! Antón, you, no momento d'el llabar los dedos ... "cachapum" ... yá estaba!!! Más um golo d'auga de da fuônte de Tiê Rita. Cunfesso oije essa pequeinha judiaria. Çculpe Señor Padre Paulo. Cousas de garotos!!!!
E isto todo porque fui mardomo de Sán Juán. se nun tubisse sido, se callar eiriê menos bezes a missa e nunca escrebiriê: "Yá fui Sacristán!!!"

Tiégui disse...

ahahahah oubrigado pula storia, isso si yê de cuntar !
Nun éra esse padre que so andava quemendo azeitonas durante la miessa, no ?
Si se me lembra d'ele... dal ver quemer las azeitones durante la mie quemuñon !

Anónimo disse...

O padre das azeitonas era o padre Porfírio... não era? E deitava os caroços para um saco azul...

Anónimo disse...

Ha pus you acho que si ! Chupava aquiello cum se fussen bolas d'anix... daqueillas de la tie Albertina de Costantin...