06/06/08

Quiên fui a la Lluç viu !

Ya vai ũas sumanas que you andu ende querendu puner ũas fetugrafies de la feira de la Lluç que tamiên chamamus feira de San Marcus, mas nun hei tubidu muitu tiêmpu y pra mas querie puner un vidiu cum l'añu passadu fiç so que tengu un purblema cul purgrama que fai essas couźas !



Las pessonas qu'habie a la missa de la Señora de la Lluç



Cheguei de Paris nal die de la feira, assi que so fui abaixar dal carru y toc'andar pur aqueilles curales que faziên tode las tiêndas eilli puôstas. Tanta giênte qu'habie naquele die ! Eran cum furmigas ! L mas qu'habie éran spañoles qu'habiên aprubeitadu l die biên buônu que staba pra merendar llougu al pie dal monte.




La giênte qu'alla habie !



Ũa veç mas tube al praźer de ver al gueiteiru Sanabrés que siêmpre gustu de l'oubir tucar. Toca mui biên y un die chegou m'a dezir qu'habie tubidu purblemas, mas que lus pulmones inda lus tenie biên rijus, assi qu'él cuntina a tucar !




Al gueiteiru Sanabrés


Astañu nun cheguei a ver lus Llionéźes que vendiên doces biên buônus que you l'añe passadu habie llebadu ũa sacada pal Portu y biên que me gustoran. Tamiên nun cunseguie ver passonas de Bilbo nin de Donostia cum l'añe passadu. Mas giênte si habie ! Y biên mas que las outras vezes !



Castiêlla... y Llion !


Mas so quandu m'apérécen an frente de mi dues rapazas a preguntaran-me se you yêra Thierry. You a dezir que si, eillas m'arrespondan o teu blog é o maximo ! Pudeis pensar que si fiquei mui, mas mui cuntentu cul qu'eillas m'habiên dizidu.


Meźmu an riba de la frunteira !


Mas al tiêmpu tamiên llougu se fui. Cum agora ya fica a ser tradiçon cumprei ũa navalla de Palaçuôlu y un cantaricu d'aqueilles de Muveirus. Un d'aqueilles cantaricus qu'açpuis de chenus d'auga assuprendu alla botan ũa muźica que parece un paixaru. Ya me deziêren de spurmantar cun auga ardiênte que dizen qu'açpuis l cantaricu anté se pon a cantar !!!


Vandendu queiju... nal parque natural dal Duiru !



Quandu ya quaisque la feira s'habie acabadu, cum tamiên ya yê tradiçon Oscar cunbiduo-m'a mi y a Urlandu pra quemer ũa buôna puôsta a la Mirandéźa, meźmu eilli nũa taberna de la feira.


Pan y chicha, chicha y pan... ũa buôna puôsta maźyê !


Alcinu tamiên querie quemer cun nos, mas nu'l deixémus se no nun mus chegaba pra todus ! Açpuis ya so éra striba-se nũas cayatas pra cheguar a caźa purque cu'la barriga chena y la cabéça a las vuôltas cul binu... digus-vus you que nun yê assi tan façél d'ir pula raya arriba anté Cicuiru !

Las cayatas qu'uźémus pra vuôlver a Cicuiru !


Gustaba de deixar ende ũa eideya pa'lus mardomus de la fiêsta purque serie buônu qu'eilla fussa feita an culaboraçon cun pessonas de Muveirus. Pus la fiêsta nun yê so de lus Custantineirus... dantes tamiên éra Cicuirana ! Purque nun puderie ser tamiên de Muveirus ?


Y assi se fui passandu l tiêmpu agora ya solu yê sperar pa la que ven, ir alla y coinecer inda mas pessonas, falar cun mas giênte.

5 comentários:

El xanu'l caborniu disse...

Sigues teniendo un blog prestosu. Lleo lo qu'escribes y sigo reoonociendo la llingua que fixeron los nuestros antepasaos asturianos, lleoneses, mirandeses... reoonózome nella. Un saludu y p'alantre.

Tiégui disse...

Si yê biên verdade. Oubrigadu pu'las veźistas !

Un saludu.

Tiégui disse...

Essa feira de la Lluç cuntina ya de siêmpre cada ultimu deimingu d'Abril... zde nun sei quandu anté hoije :-)

Mario Lozano disse...

Eyy, que feria más prestosina. El día que fui a Miranda taba'l mercáu (tal vuelta fuera sábadu, nun sei?).... Ummm... esa bandeira de Castiella...en fin...

Jejejeje, saludos, agora vou a vere'l tou outru blog.

Un saludín, siempres ye un placer lliete.

Tiégui disse...

Buonas tardes !
Achu qu'an Miranda hai ua feira ua veç pur més, mas nada a ver cun essa !

Essa ye an riba mesmu de la frunteira y yê ourganizada pul pobu Purtués de Custantin que yê llougu al pie de la Lluç. Dantes yêra ourganizada pul miu pobu (Cicuiru) y Custantin mas issu ya hai mas de 200 añus, hoije ya nun yê assi.
Deiqui an poucu, talveç mañana publicarei uas cuôntas de la feira que son de 1800 y tal.

Pa l'añu teneis de mus venir a ver, hai siêmpre muita giênte que ven de tod'la spaña y de Purtual tamiên.

Tengu ende puostu fetugrafies de la Lluç cun mas de 40 añus, seran achu you las mas viêllas que tenemus ! Stan eiqui : http://cicuiro.blogspot.com/2007/12/la-llu-donte-ant-hoije.html

Un saludu.