04/02/08

Lus trés cumpadres y al San Graal Cicuiranu

Andaba you pul Pradu de caminu pra Mubeirus quandu veyu a Alcinu, Urlandu y Dalfin aferradus nal traballu.

You : Que fazeis home ?

Urlandu : Pus nun ves ? Andamus a scabar !

Alcinu : ... a fazer ũa foya.

Dalfin : Y tu pr’onde vas ?

You : Vou m’a dar ũa vuôlta, talveç anté Mubeirus.

Dalfin : Ah Tiérri, nun vas pallie ?

You : You no y tu ?

Dalfin : You no, nun ves que stou ende cun esses dous candongus.

You : Mas y l que fazeis ?

Alcinu : Andamus a la prucura de la cruç de San Juan, mas caluda, nun digas nada, han ?

You : Mas las pessonas dizen que nun sta ende ! Que sta mas al pie de l’eigreija, eilli n’aqueillas curtinas !

Urlandu : Issu son storias de viêllus ! Nun ves… Lus antigus nun éran burrus ! Nun iban a scunder ũa cruç a tras d’ũa eigreija, home ! Lus Francéźes iban l’ancuntrar llougu !

You : Mas eiqui achu que nun sta !

Dalfin : Quei ? Ũa caldeira ?

Urlandu : Nos tamiên nun sabemus adonde sta !

Alcinu : Mas al que sabemus yê que sta anterrada, y d’issu si stamus ciêrtus !

Urlandu : Pus claru que sta anterrada ! Nal ciêlu yê que nun la pudien scunder !

Dalfin : Y cum sta anterrada pus queremus la çterrar, y anton andamus ende a scabar !

You : Mas cum yê que sabeis que sta ende ? Purqui’que scabais eiqui ?

Dalfin : Mas nos tamiên nun sabemus ! Quiên sabe alla adonde aquessas pessonas scundarien la cruç essa pra que lus Francéźes nun s’acunchegan d’eilla ! Han ? Tu sabes alla ?
Urlandu : De to'las maneiras d'un lladu ou d'outru tenemus d'ampeçar, nun achas ?

You : Pus… Si, mas nun pudeis fazer issu assi. Teneis de cunsederar lus factus storicus, hay que ser cientificu par'antander aquessa couźas... Miu Dius hay que saber de ciencia...
Dalfin : Aaaaaaaah ciencia ! Si, Tiérri, paciencia, issu si paciencia yê que se peciźa !

Alcinu : Se cuntinamus assi mañana ya stamus a scabar an Samartinu, açpuis de mañana ya staremus an Malladas.

Urlandu : Mira ya faziemus al nuôssu planu y pur’aquessas rodreiras abaixu ya prontu chegamus an la Specioźa, açpuis Infanes, Paradela, anté Sandin !

Alcinu : Y d’eiqui an quinze dies ya haberemus scabadu tod’al Prainu... se nun l’ancuntramus antes claru !

Dalfin : Yê que nos somus Cicuiranus y essa cruç yê nuôssa !

Urlandu : Si home ! Nos traballamus pa la nuôssa storia ! No cum tu que so andas a dar vuôltas de chaça y a screbir tuntaries ne l’Anterneta que ya uns me cuntoran !

You : Bah ! Pus anton suôrte ne la vuôssa busca dal San Graal ! Mas pula couźa de l’Anterneta nun digadesde que sodes de Cicuiru y inda menus que me coineceis se no inda son capazes de venir atras de vos pra me dar nal pelu ! Qu’hay lus que nun gustan muitu de mie...

8 comentários:

Anónimo disse...

a home, comu s'aponem esses tius!!!!mas onde andara essa cruç????si si al mode de çcabar ainda arrebentan metade de cicuiro!!!!!mas ya num ancontran nada, essa cruç ya se perdiu para todo l siempre.....


um abraço para esses tres e outro para ti...


ass. Tiago ortega

Anónimo disse...

a cruz existe e segundo os meus calculos deve estar no terreno na parte de traz da abadia, na horta de S.Joao ou no tanque.


Thierry temos k ver porke temos de construir o detector de metais para a procurar

a cruz nao deve ter nada a envolvela pois ja passaram muitos anos desde a sua desapariçao na revoluçao francesa

a lenda k dizem k kem encontrar a cruz morre isso pareceme mais um mito do k na realidade pois na altura podia haver bruxas e por acaso eu conheço 2 k habitam em cikouro temos k tentar encontrala pois pode ser importante para recontar a historia de cikouro


eloi

Tiégui disse...

Carallu rapaç que nun te callabas home ! Assi staba you a angañar las pessonas y pudiêmus assi guardar la cruç pra nos héhéhé :-)

Anónimo disse...

ate pode ser se a vendessemos ganhavamos muito money



eloi

Anónimo disse...

haha pois !

eloi disse...

quem e que es o anonimo

eloi disse...

quem e que es o anonimo

Anónimo disse...

Pus quiên carallu quiês tu que fusse ???

Al Diabru ?