10/01/08

La bandeira dal rubés

Alla ibamos nos, you y l miu amiyo Dalfin. Alla ibamos pu'la Raia quando al passar pur'un pobo que muito agora se vei ne la tervizon miro you pa'riba y veio aquisso !
You : Ah Dalfin ! Mira las bandeiras !
Dalfin : Las panadeiras. Stas tonto adonde ves-tu panadeiras ?
You : Las ban-dei-ras home ! Seran las spañolas que te puniêren xurdo ?
Dalfin : Un curbo ? Mas adonde ves-tu un curbo ? Ah Tiérri mas las spañolas nun te stranpallariên los uôllos ?
You : Las bandeiras, aquillo que sta eillie home ! Sta la de Purtual de patas pa l'alto !
Dalfin : Ua panadeira de patas pa l'alto ! Carallo cum te punes home ! Derramas-te no ?
You : Achas ?
Dalfin : Ah nooo ! Nun sei cum nun te zampes-te naqueilla Christina de Mubeiros !
You : Stas tonto ! Anda nun ves que la bandeira de Purtual sta dal rubés.
Dalfin : Purtual anda dal rubés, anda ! Ves cum tu sabes !
You : De tod'las maneiras you sabie biên qu'eiqui nun éra Purtual !
Dalfin : Al quei ?
You : Nada... toca a marchar !
Y anton alla saliemos daquesse pobo... y biên pronto chigemos an Cicuiro.

3 comentários:

Abelhon disse...

Num t'admires Thierry! Mira que soutro die quedei cum pena de nun tener un codac comigo senó inda te mostraba: Iba you a guiar al miu carrecholo quando miro para ua torre e aparece-me la bandeira p'ul meio dal palo; passado um rato, perguntei-le a um amigo al que se passaba para que la bandeira stebira assi. que persona amportante se murririê?
Sabes al que me respundiu?
- Ah num te spantes, tu yê que andas alboreado. num bés que está assi zde Junho? Cum l'auga bai-se resbalando resbalando anté que salga mesmo fuora dal baraço.
Se dires ua buolta por al pie dal mar, cum tiempo, al die anteiro a screbir nun te chega!
Nun ye solo an Miranda. Al fim e al cabo nós tamiem benimos a rebolcos por ende abaixo!!!

Tiégui disse...

Ya fui a ver al blog de Dues Eigreijas... nun vie nada de mas que de l'outra veç :-)... Ou vie mal ?haha !

Tiégui disse...

Al pie de Burdeus hai ua cidade que se chama Arcachon (pernunciar a la purtuésa).
Pues las bandeiras de la França stan alla çcoluridas pul sol ! An veç de séran azul, branco y burmeillo, son pretas, brancas y amariellas !!!

Y naide las muda ! Stan assi ya de los tiêmpos de tie Funsica !

Hai cada cousa que nun se vei !