La Raya cun centenuFai hoije un añu que la Raya anda pu l'Anterneta ! Un añu qu'andu pur'ende screbindu y falandu de Samartinu, Cicuiru, Custantin y Paradela.
Que seya pur muitus inda, y ya ende deixu lus mius parabienes a quiên scribe esse cadernu, quiêr dezir, you !
.JPG)
.JPG)
.JPG)
.JPG)
.JPG)
6 comentários:
Buonas nuites Tierry,
Parabienes por este purmeiro anho, i que nunca te canses nin te falte la gana ou l'anspiraçon.
Stá agora a salir la tue bena de poeta. Gusto.
Bota-le palantre.
Un abraço,
Amadeu
Buonas nuites
Fai un anho?!
I lhougo habies de retratar las tierras de l Facho, onde estaba la tierra maior para segar. Era cada stalha!
Dius te lo pague por me poneres l bechico de amostrar Cicuiro pul mundo.
Abraços
Antes de me escapar - i por causas que hoije ye die de anhos - tengo que te cuntar ua cuonta que me passou cun tou abó Manuel (Tiu Manolo Bríximo, cume era cuincido).
Alhá para Baldeglina tou abó tenie un cerrado mesmo an frente al nuosso, para donde you questumaba ir de burriqueiro a los deimingos.
Cume naquel tiempo la jóldia iba alhá pa la casica e pal balhe de la buolta, you tenie que tapar bien l portiêlho para que la burricada nun se salisse, mas cume las piedras eran grandes i la fuorça pouca, atrabessaba l camino, tiraba l feixe de spineiros que tou abó tenie para tapar l sou cerrado i mudaba-lo pal miu.
Mal serie se nesse die el tamien precisiasse de l feixe. Anté que un die si precisiou yá you me habie escapado pa la jóldia.
Quando al fin de la tarde passei a saber de los burros quedei mui admirado al ber l feixe de tiu Manolo no portielho d'el.
Solo aspius bi que dal miu lhado estaba un feixe nuobo.
Oubrigado Tiu Manuel, nunca bos bendi l pistoleco mas bós siempre bos amanhestes sien él.
PS: la cuonta demorou más un cachico i passou pal outro die mas nun amporta.
hahaha pus sta biên la cuônta, anton ya sei d'adonde me ven aquessa couźa d'ajudar lus outrus :-)
Y pr'Amadeu tengu que vus dezir oubrigadu pur benirdes pur'ende a ver l que you pongu. L mas son fetugrafies y achu que son buônas héhé
L'outru die a la feira de la Lluç apareciêran-me dues rapazas que nunca habie you vistu mas que llougu me coineciêran y que sabiên quiên éra.
"O teu blog é o maximo" fui al qu'eillas me deziêran... assi que cuntinu meźmu se ya pensei muitas vezes an parar !
Buonas nuites,
Pensar an parar si puodes, mas parar mesmo esso ye bedado. Apuis quei te dezirien las rapazas na Çhuç? Pula cierta nun íban a gustar.
Cuntina siempre.
Un abraço,
Amadeu
Enviar um comentário