Soutru die, uns diês antes de la nebada, salie Oscar alla de Fuônte Capitan y achou-se cun tiu Bunitu a la punta de riba de la Tapia.
Tiu Bunitu : Anton Oscar ! Hui coñu, mas que trais ende ?
Oscar : Son ũas guinchas a tiu Bunitu !
T B. : Ũas ginchas ! A mie nun me las metes-tu ! Mas que diañu sera issu ?
O. : Pus son ũas ginchas mui mudernas que sachan agora a la venda, pudeis las mercar an Alcañiças !
T B. : Boh !... Hai Dios… sacas-me tu cun cada andamiu ! Mas y eillas si s’aguentaran pr’arrincar batatas ?
Oscar y las sues nuôvas guinchas
O. : No ! Qu’aquestas son guinchas pra revuôlcar l’aire !
T B. : Hay hay home ! Calla-te qu’anté me cagu cu’la riźa ! Andas a revuôlcs a l’aire cun aquissu ? Vaya a traballu ? Hahahaha... Quaisque pareces l’outru taradu de l’angeñeiru que se pon an Sant’Amaru y que diç qu’oube las trubuadas !
O. : A tiu Bunitu las ginchas essas son pra catar las ondias ! Las ondias de las tervizones...
T B. : Coñu ! Nun me lu sabiês dezir antes… pus yê ũa antena ! Ũa dessas de la tervizon, anton no ?
O. : Si yê issu meźmu tiu Bunitu, mas yê ũa nuôva antena pra catar la TDT y lus canales spañolus... assi a ver se veyu a la Maria !
T B. : Stas-me ũa buôna TDT tu... hay hay... TDT... Y la Marie ! Boh que Marie ? Viste ũa rapaza ende an Fuônte Capitan ?
O. : No, agora ya nun yê cume nal vuôssu tiêmpu ! Ende ya nu las hai ! You falu de la Maria Casado, ũa jurnalista de la TVE1. Y vou la catar cu’las guinchas essas !
Ende passa Dalfin y cume ya oubiu a meyu la cumbersa :
Dalfin : Hui Oscar ! Cume te pones ! Y agor’issu ? Pareces un bernabé d’alqueilles...
T B. : A Dalfin ! Diç que yê pra catar las moças ! Ũa Marie spañola...
D. : Quei ? Angatar ? A pus carallu... vai a quedar buôna la Marie...
O. : Venga ! Venga ! Vos nun sabeis nada d’issu ! Yê pra tener nuôvus canales, lus de la TDT, ya açpuis serei l’unicu a tené la tervizon an Cicuiru, y vos siên nada ! Nadica de nada !
D. : Quei ? TNT ? Arrediabu mas tu inda vas arrebentar cun Cicuiru !
T B. : Y si funciona la çringonça essa que dizes que son guinchas ?
O. : No, inda nun cunseguie purque al trasmissor sta’lla pa la Senab...
D. : A tiu Bunitu ! Que cata gambuzinus ora si ? hahahahaha
T B. : Anton pide-l a l’angeñeiru que diç que sabe de las antenas ! Scallar sabe tantu que lus truônus qu'oube an Sant’Amaru son mas yê las miês cañonas quandu se peidan !
D. : Hay ! Callai-vos tiu Bunitu que ya me cagu cu’la riźa !
A final la storia nu’l diç, mas Oscar yê pur anquantu l’unicu an Cicuiru que pude vé la Maria Casado nals fins de sumana na TVE1...
Ala, ide a revuôlcus pu l'aire vos tamiên a vé s'achais ũa vos tamiên... ũa ondia de la TDT cralu !
.JPG)
.JPG)
.JPG)
.JPG)
.JPG)
4 comentários:
anton toca a arramar esse sinal de TDT por Cicuiro anteiro!!! eh eh eh esso si que balie la pena:) se nó para que sírben las angenharias?
Trunos de canhona ouben-se sien antenas!!
Abraço
Bás a saber dun amigo que tenga ua eiditora ou que seia amigo dun eiditor i falas cula bareadora de Cicuiro para fazer cun que la cámara te compre la maiorie de ls libros i ala a eiditar un, que tenes mais que hablidade para esso. Guapo testo, gustei...
Buônas tardes tiu Almendra !
Sabeis l'alblidade nun yê mie. Yê simplesmiênte de las pessonas de Cicuiru. Sei cume son y assi amentu storias cun eillas.
Si teneis rezon... la verdade ye que ya tengu un purjetu de llibru cun lliêndas (las que tengu eiqui screbidas).
You nun quiêru que la cambra merque llibrus. You quiêru que la cambra ponga lus nomes de la nuôssa tiêrra cume debe de ser : Cicuiru !
Abraçu
Hello Cicuiru
I've seen your youtube videos with the icom R20 and I'd like to know if you have some schematics or info about that red antenna tunner that you use.
Its awesome.
thanks
Nausk
Enviar um comentário