31/07/08

Al passadu andustrial de Samartinu

Cum ya se viu nal catalgu de las minas dal Prainu, las de Samartinu perteneciren a un anglés Henrique Hyman, an 1887.
Mas la mina de lus Rapoźus fui abandunada an vuôlta de lus añus 70, achu. La dal Cudéçu sou se mudernizou açpuis de 1965 quandu perteneciu a un Spañol de Burgus.




El alla custruiu ũa caźa adonde el viviu un ciêrtu tiêmpu, so que ya naqueilla eipuca ya poucus crien ficar an Samartinu. Anté chegou a trazer la lluç anté la mina, gastou tantu deñeiru y a final pra nada. Lus batimiêntus a l’abandonu ya nun siêrben pra naide y l stañu ya nu l’hai.



La mina inda ten ũa fuônte d’auga que furnece le pobu de Samartinu cun auga biên buôna y fresca, ũa de las mellores.


2 comentários:

Boieiro disse...

Buonas nuites

Tu çculpa-me mas essa cousa de las minas nun tén nada a ber cun andustrializaçón. A bien dezir nien modernizaçón de las maneiras de sacar l minério.
I porquei?!
Serie anteressante eilaborar un studo sério suobre la maneira cume se "garimpaba", prancipalmiente no tiempo de la II Guerra i na mina de los Raposos (que según dizen l grande filón inda nun fui esplorado).
Tou pai inda debe saber stórias de cuntrabandos de minério, assi cume l tiu bisabó de Elói (tiu Manuel Bolante) las cuntaba, era you garoto.

Abraço

Tiégui disse...

Hmmm... bon al Spañol de Burgus alla truxu la lluç trifazica para fazer fazer andar uns motores éllectricus. Nun ye assi grande mudernizaçon mas tamien nun ye negligable !
So qu'él nunca nada sacou d'alla y abandonou la couza. Miu pai inda traballou cun él.
Mas essa mina ye la dal Cudéçu, la dals Rapozus nun se mudernizou nada !
An frente als Rapozus, nal corta fogu que fai frunteira hai alla dous poçus no mui fundus, yêren pal contrabandu.
Uns iban alla a puner l mineriu y outrus iban a fazer que lu sacaban y nunca naide s'apercebiu de la couza :-)

Un abraçu.